مامين وڭىرلەردە كارانتيندى ساقتاۋدى تاپسىردى، دەپ حابارلايدى “ادىرنا” ۇلتتىق پورتالى.
Sputnik.kz مالىمدەمەسى بويىنشا، مامين رەسپۋبليكادا ەپيدەميولوگيالىق جاعداي جاقسارىپ كەلەتىنىن اتاپ ءوتتى. بارلىق وڭىردە ۆيرۋس جۇقتىرۋ دەڭگەيى، اۋىر جاعدايداعى ناۋقاستار، ستاتسيوناردا جانە امبۋلاتوريادا ەم الىپ جۇرگەن پاتسيەنتتەر سانى ازايعان.
"دەگەنمەن كورشى ەلدەردەگى جاعدايدى دا ەسكەرۋ كەرەك. بارلىق وڭىردە شەكتەۋ شارالارىن ساقتاۋىن قامتاماسىز ەتۋ قاجەت. مونيتورينگتىك توپتار كۇشەيتىلگەن رەجيمدە جۇمىس ىستەۋگە ءتيىس", - دەپ مالىمدەدى پرەمەر-مينيستر ۇكىمەت وتىرىسىندا.
سونداي-اق ول ۆاكتسينالاۋ قارقىنى ايتارلىقتاي جاقسارماعانىن اتاپ ءوتتى. قازىرگى ۋاقىتتا 8,3 ميلليوننان استام ادام ءبىرىنشى كومپونەنت، ال 7,5 ميلليون ادام ەكىنشى كومپونەنت العان.
ۇكىمەت باسشىسى نۇر-سۇلتان قالاسى، سولتۇستىك قازاقستان، ماڭعىستاۋ، قوستاناي، اقمولا، باتىس قازاقستان وبلىستارىنا ۆاكتسينالاۋ قارقىنىن كۇشەيتۋدى تاپسىردى.
بۇعان قوسا، اكىمدىكتەر مەن دەنساۋلىق ساقتاۋ مينيسترلىگىنە ەمدەۋ مەكەمەلەرىنىڭ قويماسىنداعى ءدارى-دارمەك پەن مەديتسينالىق بۇيىمدارعا تەكسەرىس جۇرگىزىپ، ولاردىڭ قاجەتتى كولەمىن قامتاماسىز ەتۋدى تاپسىردى.
“ادىرنا” ۇلتتىق پورتالى
