قازاقپارات - قر ۇلتتىق قاۋىپسىزدىك كوميتەتىنىڭ اتىراۋ وبلىسى بويىنشا دەپارتامەنتى جولاۋشىلار تاسىمالداۋشىلارىنان اقشا بوپسالاپ كەلگەن توپتى ۇستادى. بۇل تۋرالى قر ۇقك ءباسپاسوز قىزمەتىنەن ءمالىم ەتتى، دەپ حابارلايدى قازاقپارات.
«اتىراۋ قالاسىندا 2 جىل بويى «اتىراۋ-استراحان»، «اتىراۋ-ورال»، «اتىراۋ-بەينەۋ» باعىتتارىندا جولاۋشىلاردى تاسىمالداۋمەن اينالىساتىنداردان اقشا قاراجاتتارىن بوپسالاۋمەن جۇيەلى تۇردە اينالىسىپ كەلگەن ادامدار توبى قۇرىقتالدى. اتالعان باعىتتاردا 200-گە جۋىق اۆتوكولىك ءجۇرىپ تۇرعان. اي سايىن ءار كولىك جۇرگىزۋشىسىنەن الىم-سالىقتىڭ كولەمى 5 مىڭنان 25 مىڭ تەڭگەگە دەيىن قۇراعان. ۇستالعان تۇلعالار دەسترۋكتيۆتى باعىتتاعى ءداستۇرلى ەمەس سالافيتتىك اعىمنىڭ ۇستانۋشىلارى بولىپ تابىلادى»، - دەپ اتاپ وتىلگەن قر ۇقك مالىمەتىندە.
اتالعان قىلمىس قر قك-ءنىڭ 194-بابى 2-بولىگىنىڭ 2 جانە 3-تارماقتارىندا كورسەتىلگەن قىلمىس بەلگىلەرى بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە تىركەلدى. «توپتىڭ التى بەلسەندى مۇشەسىنە قاتىستى كۇزەتپەن قاماۋدا ۇستاۋ تۇرىندەگى بۇلتارتپاۋ شاراسى قولدانىلدى»، - دەپ ناقتىلانعان تاراتىلعان مالىمەتتە.
inform.kz