2021 جىلدىڭ 07-11 قازان ارالىعىندا پولشانىڭ لوميانكي قالاسىندا پارا-بيدەن حالىقارالىق اشىق چەمپيونات ءوتتى. بۇل سىندا شىمكەنت قالاسىنىڭ N19 مۇمكىندىگى شەكتەۋلى ازاماتتارعا ارنالعان سپورت كلۋبىنىڭ شاكىرتتەرى قاتىسىپ، جۇلدەلى ورىنعا يە بولدى. جارىسقا الەمنىڭ 16 ەلىنەن 120-دان استام سپورتشى قاتىستى.
ايدانا مۇقانوۆا مەن ەرمەك قالىمبەتوۆ جۇپتاسىپ بيلەۋدەن دۋو لاتينا جانە فريستايل جاتتىعۋى بويىنشا ەكىنشى ورىنعا يە بولدى.
سونىمەن قاتار، ەرمەك قالىمبەتوۆ جەكەلەي فريستايل سايىسىندا 2-ءشى ورىندى جەڭىپ الدى. سپورتشىلاردى جارىسقا دايىنداعان جاتتىقتىرۋشى – داريا جۇمادىللاەۆا.
ايتا كەتسەك، ەرمەك قالىمبەتوۆ الەم چەمپيوناتىنىڭ ءۇشىنشى ورىن يەگەرى. 2016 جىلعى ازيا چەمپيونى، 2019 جىلى يتاليادا وتكەن الەم كۋبوگىنىڭ قولا جۇلدەگەرى.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز