Şymkent qalasynyŋ sportşylary Polşadan jüldemen oraldy

2021 jyldyŋ 07-11 qazan aralyǧynda Polşanyŋ Lomianki qalasynda para-biden halyqaralyq aşyq chempionat öttı. Būl synda Şymkent qalasynyŋ N19 mümkındıgı şekteulı azamattarǧa arnalǧan sport klubynyŋ şäkırtterı qatysyp, jüldelı orynǧa ie boldy. Jarysqa älemnıŋ 16 elınen 120-dan astam sportşy qatysty. Aidana Mūqanova men Ermek Qalymbetov jūptasyp bileuden duo latina jäne fristail jattyǧuy boiynşa ekınşı orynǧa ie boldy. Sonymen qatar, Ermek Qalymbetov jekelei fristail saiysynda 2-şı oryndy jeŋıp aldy. Sportşylardy jarysqa daiyndaǧan jattyqtyruşy – Daria Jūmadıllaeva. Aita ketsek, Ermek Qalymbetov älem chempionatynyŋ üşınşı oryn iegerı. 2016 jylǧy Aziia chempiony, 2019 jyly İtaliiada ötken älem kubogynyŋ qola jüldegerı.