اۋعانستاندا بەلگىسىز جاندار تالىبتەردى قىرىپ كەتتى

2676
Adyrna.kz Telegram

اۋعانستاننىڭ شىعىسىنداعى دجەلالابادتا قارۋلانعان بەلگىسىز ادامدار "تاليبان" قوزعالىسىنىڭ (قازاقستاندا قوزعالىسقا تىيىم سالىنعان) بەس مۇشەسىن ءولتىردى، دەپ حابارلايدى "ادىرنا" ۇلتتىق پورتالى "ريا نوۆوستيگە" سىلتەمە جاساپ.

باسىلىمنىڭ حابارلاۋىنشا، قارۋلى ەكى ادام تالىبتەرگە تيەسىلى Corolla كولىگىنە شابۋىل جاساپ، قوزعالىستىڭ بەس مۇشەسىن ءولتىرىپ، كەيىن قاشىپ كەتكەن.

تاليبانعا شابۋىل اۋعانستان ۇلتتىق قاۋىپسىزدىك باسقارماسىنىڭ (NDS) جانىندا بولعانى حابارلاندى.

ەستەرىڭىزگە سالا كەتەيىك، قاراشا ايىندا اۋعانستان استاناسىندا ءۇش تەراكت بولدى. كابۋلدىڭ باتىسىندا 17 قاراشادا ەكى جارىلىس بولدى، وندا لاڭكەستەر كولىكتەردى جارىپ جىبەرگەن. بۇقارالىق اقپارات قۇرالدارىنىڭ حابارلاۋىنشا، ءبىر بەيبىت تۇرعىن قازا تاۋىپ، تاعى التاۋى جارالانعان، ونىڭ ىشىندە ۇشەۋى — ايەل.

 

"ادىرنا" ۇلتتىق پورتالى.

پىكىرلەر