Aýǵanstannyń shyǵysyndaǵy Djelalabadta qarýlanǵan belgisiz adamdar "Talıban" qozǵalysynyń (Qazaqstanda qozǵalysqa tyıym salynǵan) bes múshesin óltirdi, dep habarlaıdy "Adyrna" ulttyq portaly "RIA Novostıge" silteme jasap.
Basylymnyń habarlaýynsha, qarýly eki adam tálibterge tıesili Corolla kóligine shabýyl jasap, qozǵalystyń bes múshesin óltirip, keıin qashyp ketken.
Talıbanǵa shabýyl Aýǵanstan ulttyq qaýipsizdik basqarmasynyń (NDS) janynda bolǵany habarlandy.
Esterińizge sala keteıik, qarasha aıynda Aýǵanstan astanasynda úsh terakt boldy. Kabýldyń batysynda 17 qarashada eki jarylys boldy, onda lańkester kólikterdi jaryp jibergen. Buqaralyq aqparat quraldarynyń habarlaýynsha, bir beıbit turǵyn qaza taýyp, taǵy altaýy jaralanǵan, onyń ishinde úsheýi — áıel.
"Adyrna" ulttyq portaly.
