ەكو كەزىندە ايەلدەرگە وزگە ادامنىڭ ۇرىعىن سالىپ جىبەرگەن

4683
Adyrna.kz Telegram

كاليفورنياداعى لوس-اندجەلەس قالاسىندا ەكى ايەل ەكو ارقىلى ۇرىقتاندىرۋ پروتسەدۋراسىنداعى قاتەلىككە بايلانىستى ءبىر-ءبىرىنىڭ قىزدارىن دۇنيەگە اكەلگەنى انىقتالدى دەپ حابارلايدى "ادىرنا" ۇلتتىق پورتالى "Daily Mail" باسىلىمىنا سىلتەمە جاساپ.

ورنى اۋىسىپ كەتكەن قىزداردىڭ ءبىرى 41 جاستاعى مۋزىكانت الەكساندر كاردينالە مەن ونىڭ 43 جاستاعى ايەلى دافنانىڭ وتباسىندا تاربيەلەنگەن. الەكساندر ءبىر قاراعاندا قىزىنىڭ وعان دا، دافناعا دا ۇقسامايتىنىن بايقاعان. ونىڭ ايتۋىنشا، بۇل نارەستە ءوزىنىڭ بالاسى ەمەس ەگەن سەزىمنەن ارىلا الماعان.

الدىمەن دافنا كۇيەۋى مەن ءوزىن سابىرلىققا شاقىرىپ، ءبارى جاقسى ەكەنىنە سەندىرۋگە تىرىستى. ايەل قىزدى تۋعان قىزى دەپ سانادى، ويتكەنى ول ونى توعىز اي كوتەرىپ، دۇنيەگە اكەلدى. بىراق بالاسى مەن اتا-اناسى اراسىنداعى ۇقساستىقتىڭ جوقتىعىن باسقا ادامدار دا بايقاي باستاعان.

بىرنەشە اپتادان كەيىن كاردينالە ەكو جۇرگىزىلگەن كلينيكاعا قوڭىراۋ شالىپ، نارەستەنىڭ سۋرەتىن جىبەرۋدى سۇراعان. وسىدان كەيىن دافنا دنق تەستىن ساتىپ الىپ، ەكى ايلىق قىزدىڭ اتا-اناسى شىن مانىندە باسقا ادامدار بولعانىنا كوز جەتكىزدى.

ەرلى-زايىپتىلار ادۆوكات جالداپ، ەمحانا وكىلدەرىنەن ەكستراكورپورالدى ۇرىقتاندىرۋ كەزىندە ەمبريوندار اۋىسىپ كەتكەنىن راستايتىن دالەلدەردى تالاپ ەتتى. كاردينالەنىڭ قىزى باسقا جۇپتىڭ بيولوگيالىق قىزى بولعاندىعى انىقتالدى، دەمەك ولار كاردينالەنىڭ بالاسىن دۇنيەگە اكەلگەن.

شىندىقتى بىلگەن كاردينال العاش رەت ءوزىنىڭ شىنايى قىزىنىڭ سۋرەتىن كوردى. ولار باسقا اتا-انالار ونى زوۋي دەپ اتاعانىن ءبىلىپ، بۇل اتاۋدى وزگەرتپەۋگە شەشىم قابىلدادى. قىزدار ءتورت ايعا جەتكەندە جۇپ سابيلەرىن الماستىردى.  بۇل جاعداي ولار ءۇشىن ۇلكەن سىناق بولسا دا وتباسى بىرىگىپ، ەتەنە جاقىن ارالاسىپ، قازىر دەمالىس كۇندەرىن بىرگە وتكىزەتىن بولعان.

كاردينال ەكستراكورپورالدى ۇرىقتاندىرۋ پروتسەدۋراسى جۇرگىزىلگەن كاليفورنياداعى رەپرودۋكتيۆتى دەنساۋلىق ورتالىعىن جانە ونىڭ يەسى دوكتور ەليران مورانى سوتقا بەردى. ەرلى-زايىپتىلار كلينيكانى مەديتسينالىق قاتەلىك، نەمقۇرايلىلىق جانە الاياقتىق جاسادى دەپ ايىپتاپ وتىر.

 

"ادىرنا" ۇلتتىق پورتالى.

پىكىرلەر