Kaliforniiadaǧy Los-Andjeles qalasynda ekı äiel eko arqyly ūryqtandyru prosedurasyndaǧy qatelıkke bailanysty bır-bırınıŋ qyzdaryn düniege äkelgenı anyqtaldy dep habarlaidy "Adyrna" ūlttyq portaly "Daily Mail" basylymyna sılteme jasap.
Orny auysyp ketken qyzdardyŋ bırı 41 jastaǧy muzykant Aleksandr Kardinale men onyŋ 43 jastaǧy äielı Dafnanyŋ otbasynda tärbielengen. Aleksandr bır qaraǧanda qyzynyŋ oǧan da, Dafnaǧa da ūqsamaitynyn baiqaǧan. Onyŋ aituynşa, būl näreste özınıŋ balasy emes egen sezımnen aryla almaǧan.Aldymen Dafna küieuı men özın sabyrlyqqa şaqyryp, bärı jaqsy ekenıne sendıruge tyrysty. Äiel qyzdy tuǧan qyzy dep sanady, öitkenı ol ony toǧyz ai köterıp, düniege äkeldı. Bıraq balasy men ata-anasy arasyndaǧy ūqsastyqtyŋ joqtyǧyn basqa adamdar da baiqai bastaǧan.
Bırneşe aptadan keiın Kardinale eko jürgızılgen klinikaǧa qoŋyrau şalyp, närestenıŋ suretın jıberudı sūraǧan. Osydan keiın Dafna DNQ testın satyp alyp, ekı ailyq qyzdyŋ ata-anasy şyn mänınde basqa adamdar bolǧanyna köz jetkızdı.Erlı-zaiyptylar advokat jaldap, emhana ökılderınen ekstrakorporaldy ūryqtandyru kezınde embriondar auysyp ketkenın rastaityn dälelderdı talap ettı. Kardinalenıŋ qyzy basqa jūptyŋ biologiialyq qyzy bolǧandyǧy anyqtaldy, demek olar Kardinalenıŋ balasyn düniege äkelgen.
Şyndyqty bılgen Kardinal alǧaş ret özınıŋ şynaiy qyzynyŋ suretın kördı. Olar basqa ata-analar ony Zoui dep ataǧanyn bılıp, būl ataudy özgertpeuge şeşım qabyldady. Qyzdar tört aiǧa jetkende jūp säbilerın almastyrdy. Būl jaǧdai olar üşın ülken synaq bolsa da otbasy bırıgıp, etene jaqyn aralasyp, qazır demalys künderın bırge ötkızetın bolǧan.Kardinal ekstrakorporaldy ūryqtandyru prosedurasy jürgızılgen Kaliforniiadaǧy reproduktivtı densaulyq ortalyǧyn jäne onyŋ iesı doktor Eliran Morany sotqa berdı. Erlı-zaiyptylar klinikany medisinalyq qatelık, nemqūrailylyq jäne alaiaqtyq jasady dep aiyptap otyr.
"Adyrna" ūlttyq portaly.
