شىمكەنتتە سپورتتىق ۇيىرمەلەردى جان باسىنا قارجىلاندىرۋ جوباسى ءساتتى ءجۇرىپ جاتىر. بۇگىندە Artsportedu.kz سايتى ارقىلى ءوتىنىم بەرگەن كاسىپكەرلەر سانى 25-كە جەتكەن. بۇل تۋرالى شىمكەنت قالاسى اكىمىنىڭ ورىنباسارى ماقسۇت يساحوۆ باق وكىلدەرىمەن وتكەن پرەسس-تۋردا مالىمدەدى.
– شىمكەنت قالاسىنىڭ دەنە شىنىقتىرۋ جانە سپورت باسقارماسى مەملەكەتتىك سپورتتىق جانە شىعارماشىلىق تاپسىرىسقا بولىنگەن قارجى artsport.edu.kz اقپاراتتىق پورتالىنا ەنگىزىلىپ، قالا كاسىپكەرلەرىمەن مەملەكەتتىك تاپسىرىس بويىنشا جۇمىس جۇرگىزۋدە. قازىرگى تاڭدا مەملەكەتتىك سپورتتىق تاپسىرىستى جان باسىنا نورماتيۆتىك قارجىلاندىرۋ پلاتفورماسىنا 25 كاسىپكەردەن ءوتىنىم ءتۇسىپ، ونىڭ ىشىندە 20 كاسىپكەر بىلىكتىلىك ىرىكتەۋىنەن ءوتىپ، وڭ شەشىم بەرىلدى، 1 اسىپكەردىڭ ءوتىنىمى قارالۋدا، 4 كاسىپكەردىڭ ءوتىنىمى كەرى قايتارىلدى (1 تۇركىستان وبلىسىنا قاراستى). اتا-انالاردان جالپى سانى 3347 ءوتىنىم ءتۇسىپ، ونىڭ 2955-سىمەن كەلىسىم-شارت جاسالدى. بۇل كورسەتكىش كۇن سايىن وزگەرۋدە، - دەدى م. يساحوۆ
قالا اكىمىنىڭ ورىنباسارى باستاپ بارعان العاشقى سپورت كەشەنى «STRONG» فيتنەس ورتالىعى بولدى.
«ەتالون كلينينگ» جشس ديرەكتورى وكسانا ماسلوۆا قالاداعى اقپان باتىر كوشەسى، 111-دە ورنالاسقان جالپى اۋدانى – 950 شارشى مەتردى قۇرايتىن «STRONG» فيتنەس ورتالىعىن جالعا الۋ ارقىلى مەملەكەتتىك تاپسىرىسپەن جۇمىس ىستەۋدە. كاسىپكەر بوكس (120 بالا) جانە تاەكۆوندو (40 بالا) سپورت تۇرلەرىنەن 160 بالاعا ءوتىنىم جولداعان. وكسانا نيكولاەۆنا قازىرگى تاڭدا 110 اتا-انادان ءوتىنىم ءتۇسىپ، 109 اتا-انا مەن كاسىپكەر اراسىندا ەكىجاقتى كەلىسىم-شارت جاسالعانىن ايتادى.
