Şymkentte sporttyq üiırmelerdı jan basyna qarjylandyru jobasy sättı jürıp jatyr. Bügınde Artsportedu.kz saity arqyly ötınım bergen käsıpkerler sany 25-ke jetken. Būl turaly Şymkent qalasy äkımınıŋ orynbasary Maqsūt İsahov BAQ ökılderımen ötken press-turda mälımdedı.
– Şymkent qalasynyŋ dene şynyqtyru jäne sport basqarmasy memlekettık sporttyq jäne şyǧarmaşylyq tapsyrysqa bölıngen qarjy artsport.edu.kz aqparattyq portalyna engızılıp, qala käsıpkerlerımen memlekettık tapsyrys boiynşa jūmys jürgızude. Qazırgı taŋda memlekettık sporttyq tapsyrysty jan basyna normativtık qarjylandyru platformasyna 25 käsıpkerden ötınım tüsıp, onyŋ ışınde 20 käsıpker bılıktılık ırıkteuınen ötıp, oŋ şeşım berıldı, 1 äsıpkerdıŋ ötınımı qaraluda, 4 käsıpkerdıŋ ötınımı kerı qaitaryldy (1 Türkıstan oblysyna qarasty). Ata-analardan jalpy sany 3347 ötınım tüsıp, onyŋ 2955-symen kelısım-şart jasaldy. Būl körsetkış kün saiyn özgerude, - dedı M. İsahov
Qala äkımınıŋ orynbasary bastap barǧan alǧaşqy sport keşenı «STRONG» fitnes ortalyǧy boldy.
«Etalon Klining» JŞS direktory Oksana Maslova qaladaǧy Aqpan batyr köşesı, 111-de ornalasqan jalpy audany – 950 şarşy metrdı qūraityn «STRONG» fitnes ortalyǧyn jalǧa alu arqyly memlekettık tapsyryspen jūmys ısteude. Käsıpker boks (120 bala) jäne taekvondo (40 bala) sport türlerınen 160 balaǧa ötınım joldaǧan. Oksana Nikolaevna qazırgı taŋda 110 ata-anadan ötınım tüsıp, 109 ata-ana men käsıpker arasynda ekıjaqty kelısım-şart jasalǧanyn aitady.
