قالا اكىمىنىڭ تۇرعىندارعا جايلى جانە قولايلى ءومىر ءسۇرۋ ورتاسىن قالىپتاستىرۋ تۋرالى بەرگەن تاپسىرماسى نەگىزىندە قالانىڭ شالعاي ورنالاسقان شاعىن اۋدارىنا جالپى 52,7 شاقىرىمدى قۇرايتىن 144 كوشەگە شاعال تاس توسەلدى. بۇل تۋرالى قالالىق جولاۋشىلار كولىگى جانە اۆتوموبيل جولدارى باسقارماسى ءمالىم ەتتى.
باسقارما ماماندارىنىڭ ايتۋىنشا، جۇرگىزىلگەن جۇمىستاردىڭ 47,2 شاقىرىمى ياعني، 131 كوشە اباي اۋدانىنا تيەسىلى ەكەن، ال، قالعان 13 كوشە، 5,2 شاقىرىم جول ءال-فارابي اۋدانىنا قاراستى.
اتاپ ايتقاندا اباي جانە ءال-فارابي اۋداندارى بويىنشا تاۋەلسىزدىككە 20 جىل، كوكبۇلاق، جاڭاتالاپ، يگىلىك، قىزىلجار، ساۋلە، 276 ورام، اقجار-2 تۇرعىن الاپتارىنداعى كوشەلەرگە شاعال تاس توسەۋ جۇمىستارى جۇرگىزىلدى. بۇل جۇمىستاردى مەردىگەر مەكەمە «اسفالت» جشس اتقاردى.
بۇل تۇرعىن الاپتار قالاعا جاڭادان قوسىلعاندىقتان ىشكى ورام كوشەلەرىنە اسفالت توسەۋ جۇمىستارى جۇرگىزىلمەگەن. سەبەبى ورتاشا جوندەۋ جۇمىستارى ەرەجەگە ساي ينفراقۇرىلىم جۇيەلەرى جۇرگىزىلگەننەن كەيىن باستالادى.
