اقمولا وبلىسىنىڭ اكىمدىگى شورتاندىدا گاز باللونىنىڭ جارىلۋىنان زارداپ شەككەن وتباسىلارعا 30 ميلليون تەڭگە ءبولدى، - دەپ حابارلايدى “ادىرنا” ۇلتتىق پورتالى "حابار 24" سايتىنا سىلتەمە جاساپ.
اكىمدىكتەن بولىنگەن قاراجات پاتەر ساتىپ الۋعا ارنالعان. سونداي-اق زارداپ شەككەندەرگە كومەك كورسەتۋ ماقساتىندا قايىرىمدىلىق اكتسياسى ۇيىمداستىرىلدى.
"بۇل ۇيدە 3 پاتەر بولدى، ءبارى جارامسىز بولىپ قالدى. تۇرعىندارىمىزدى تەز ارادا كوشىردىك. اۋداندىق كولەمدە توتەنشە جاعداي جاريالاندى. بۇگىن پاتەر ساتىپ الۋعا 30 ميلليون تەڭگە بولدىك. ءبىز كورسەتكەن كومەكتەن باسقا، بۇگىن مەشىتىمىزدىڭ بازاسىندا قايىرىمدىلىق ەسەپشوتى اشىلدى، قازىردىڭ وزىندە 13 ميلليون تەڭگەدەن اسا اقشا جينالدى. بۇل قاراجات ەمدەلۋگە دە، زارداپ شەككەن وتباسىلارعا كومەك كورسەتۋگە دە جۇمسالادى", - دەدى اقمولا وبلىسىنىڭ اكىمى ەرمەك مارجىقپاەۆ.
بۇعان دەيىن 16 قاراشادا اقمولا وبلىسى شورتاندى كەنتى لينەينايا كوشەسىندە گاز باللونى جارىلعانى حابارلانعان بولاتىن. جارىلىستان 3 ادام قازا تاۋىپ، 10 ادام اۋرۋحاناعا جاتقىزىلعان ەدى.
21 قاراشادا جارىلىستان زارداپ شەككەن 13 جاستاعى ءجاسوسپىرىم اۋرۋحانادا كوز جۇمعان، ال 23 قاراشادا 10 جاستاعى قىز جانساقتاۋدا قايتىس بولعان ەدى.
“ادىرنا” ۇلتتىق پورتالى
