27 قاراشادا الەۋمەتتىك جەلىلەردە وزبەكستاننىڭ قاشقاداريا وبلىسىنىڭ چيراكچي اۋدانىندا «قارا بەتپەردە كيگەن» قاۋىپسىزدىك قىزمەتكەرلەرى نارازىلىق بىلدىرۋشىلەرگە قارسى «گاز قولدانعان» دەگەن ۆيدەو تارادى. سول كۇنى ءبىر توپ جۇرگىزۋشى ءىىم اۆتوبۋسى ءجۇرىپ جاتقان جولدى جاۋىپ، «زاڭسىز» قۇجاتتارىن قايتارۋدى تالاپ ەتكەن، دەپ حابارلايدى "ادىرنا" ۇلتتىق پورتالى.
ءدال وسى كەزدە «قارا بەتپەردە» كيگەن ءبىر توپ ادام نارازىلىق بىلدىرگەن جۇرگىزۋشىلەردىڭ كولىكتەرىنە دۋبينكامەن «شابۋىل جاسادى».
قاشقاداريا وبلىسى تۇرعىندارىنىڭ نارازىلىعىنا وزبەكستاننىڭ ىشكى ىستەر ءمينيسترى پۋلات بابادجانوۆ باردى.
بابادجانوۆ قاراشانىڭ 28-ءى كۇنى قاشقادارياعا بارىپ، بىرقاتار شەنەۋنىكتەردى جۇمىستان شىعارىپ، 33 قىزمەتكەرگە تارتىپتىك جازا قولدانعان.
ءوڭىر تۇرعىندارى شەنەۋنىكتەردىڭ شىراقشى ايماعىنداعى سوڭعى وقيعاعا بايلانىستى جازالانعانىنا سەنىمدى.
27 قاراشادا الەۋمەتتىك جەلىدە جاريالانعان ۆيدەودا قارا بەتپەردە كيگەن ادامدار كوپشىلىككە قارسى «گاز قولدانعان» دەلىنگەن.
ۆيدەودا قارا بەتپەردە ەكى ەر ادامنىڭ نارازىلىق بىلدىرۋشىلەرگە جاقىنداپ كەلە جاتقانىن كورۋگە بولادى. «قارا بەتپەردەدەگى» ەكى وفيتسەردىڭ وڭ قولىندا دۋبينكا، سول قولىندا ۇزىندىعى 10-15 سم شاماسىندا گاز باللوندارىن ۇستاعان.
بەينەجازبادا ادامدارعا قارسى گاز باللونىن قالاي قولداناتىنى دا كورسەتىلگەن. ءتسيليندردى پايدالانعان كەزدە گازدى شاشقان كەزدەگىدەي دىبىس ەستىلەدى. بۇل دىبىس ۆيدەودا ەكى رەت ەستىلگەن.
بەينەجازبادا بارلىق ادامداردىڭ ءبىر ۋاقىتتا قالاي جوتەلىپ جاتقانى، كوپشىلىگىنىڭ اۋزىن كيىممەن جاۋىپ تۇرعانى، ال ەگدە ايەلدىڭ ەڭكەيگەنى كورسەتىلگەن.
«گاز باللونىنان سوڭ اجەم ءوزىن ناشار سەزىندى»، «جەدەل جاردەم شاقىرىڭىز»، « سوندا، شىنىمەن ادامداردى گاز باللونىمەن ۋلاۋ كەرەك بولدى ما؟» دەگەندى ەستيسىز.
"ادىرنا" ۇلتتىق پورتالى
