كوۆيدكە قارسى ۆاكتسينانىڭ ەكىنشى دوزاسىن سالۋعا بۇگىن №13 قالالىق ەمحاناعا جاسوسپىرىمدەر مەن ەمىزۋلى انالار كەلدى.
اعىمداعى جىلدىڭ 15-قاراشاسىنان باستاپ، قالادا 17-جاسقا دەيىنگى ءبىلىم الۋشىلارى اتا-اناسىنىڭ رۇقساتىمەن Pfizer ۆاكتسيناسىن الۋدى باستادى. بۇگىنگە دەيىن قالادا 6128 ازامات اتالعان ەكپەمەن ەگىلدى. ۆاكتسينا العانداردىڭ باسىم بولىگى جاسوسپىرىمدەر. ناقتىراق ايتقاندا، ەكپە العانداردىڭ 4728-ءى وقۋشى، 823-ءى ەمىزۋلى انا، 632-ءى جۇكتى ايەلدەر.
Pfizer (اقش) كومپانياسى شىعارعان «كوميرناتي» ۆاكتسيناسى قازاقستان رەسپۋبليكاسىندا مەملەكەتتىك تىركەلگەن. «كوميرناتي» ۆاكتسيناسى توتەنشە جاعدايلاردا قولدانۋ ءۇشىن ۇسىنىلعان ددۇ-نىڭ تىزىمىنە ەنگىزىلگەن. ددۇ-نىڭ ارالىق دەرەكتەرىنە سايكەس، 12-15 جاس ارالىعىنداعى جاسوسپىرىمدەردىڭ قاتىسۋىمەن كلينيكالىق زەرتتەۋلەردىڭ ءۇشىنشى كەزەڭى بالالاردىڭ توبى ءۇشىن وسى ۆاكتسينانىڭ جوعارى تيىمدىلىگىن جانە قاۋىپسىزدىگىن كورسەتتى.
