شىمكەنت قالاسىندا 26 ساۋىردەن باستاپ «Ashyq» موبيلدىك قوسىمشاسى ىسكە قوسىلعان بولاتىن.
جوبا 1-دەڭگەيگە شەكتەۋلەردى السىرەتۋ جولىمەن شاعىن بيزنەسكە شەكتەۋ شارالارى كەزەڭىندە جۇمىس ىستەۋگە مۇمكىندىك بەرەدى. مىسالى، «قىزىل» ايماقتاعى كاسىپورىنعا «سارى» ايماقتىڭ قاعيدالارى بويىنشا ىندەتتى جۇقتىرعاندار مەن ولارمەن قاتىناستا بولعانداردى كىرگىزبەي، جۇمىس ىستەۋگە رۇقسات ەتىلەدى (كەش ۋاقىتتارى،دەمالىس كۇندەرى جانە ت.ب.)
جىل باسىنان بەرى «Ashyq» جوباسىنا قاتىسۋ ءۇشىن قالا بويىنشا 1148 ءوتىنىم بەرىلدى (ونىڭ ىشىندە 31 ەرىكتى قاتىسۋشى – قوناق ۇيلەر، ۋنيۆەرسيتەتتەر، تۇزەۋ مەكەمەلەرى، اسكەري بولىمدەر، حقكو، حايۋاناتتار باعى، تسيرك، دەنساۋلىق ساقتاۋ باسقارماسى، پوليتسيا دەپارتامەنتى، شىمكەنت قالاسىنىڭ سوتى).
قالا بويىنشا بارلىعى 649 QR كود بەرىلدى. شىمكەنت قالاسى اكىمدىگىنىڭ سايتىندا ونىڭ 574-ءى ورنالاستىرىلعان.
موبيلدىك قوسىمشا دەنساۋلىق ساقتاۋ مينيسترلىگىنىڭ اقپاراتتىق جۇيەلەرىمەن ينتەگراتسيالانعان (ۇلتتىق ساراپتاما ورتالىعى، بىرىڭعاي پتسر-زەرتتەۋلەر پورتالى، COVID-19 باقىلاۋ ورتالىعى، جەكەشە پتسر-زەرتحانالار، پرەزيدەنت ءىس-باسقارماسىنىڭ مەديتسينا ورتالىعى) جانە پتسر-تەستەر مەن سانيتارلىق-ەپيدەميولوگيالىق زەرتتەۋلەر دەرەكتەرىن پايدالانادى.
عيماراتقا كىرەر الدىندا قولدانۋشى سمارتفونمەن QR-كودتى سكانەرلەيدى (نەمەسە جەكە كۋالىگىن ۇسىنادى) جانە ءوزىنىڭ مارتەبەسىن كورسەتەدى. اقپاراتتىق جۇيەلەرمەن سالىستىرىپ تەكسەرۋ نەگىزىندە ءسىزدىڭ مارتەبەڭىز انىقتالادى: «قىزىل» - پتسر-تەستتىڭ وڭ ناتيجەسى، «سارى» - قاتىناستا بولعان، «كوك» - پتسر-تەست مىندەتتى بولىپ تابىلاتىن ورىنداردى قوسپاعاندا ەركىن ءجۇرىپ-تۇرۋ، «جاسىل» - پتسر-تەستىڭ تەرىس ناتيجەسى.
تەحنيكالىق قولداۋ قىزمەتى بويىنشا ازاماتتار ءۇشىن 14-14, بيزنەس ءۇشىن 14-32 بايلانىس قىزمەتى جۇمىس ىستەيدى.
"ادىرنا" ۇلتتىق پورتالى.
