Şymkent qalasynda 26 säuırden bastap «Ashyq» mobildık qosymşasy ıske qosylǧan bolatyn.
Joba 1-deŋgeige şekteulerdı älsıretu jolymen şaǧyn bizneske şekteu şaralary kezeŋınde jūmys ısteuge mümkındık beredı. Mysaly, «qyzyl» aimaqtaǧy käsıporynǧa «sary» aimaqtyŋ qaǧidalary boiynşa ındettı jūqtyrǧandar men olarmen qatynasta bolǧandardy kırgızbei, jūmys ısteuge rūqsat etıledı (keş uaqyttary,demalys künderı jäne t.b.)
Jyl basynan berı «Ashyq» jobasyna qatysu üşın qala boiynşa 1148 ötınım berıldı (onyŋ ışınde 31 erıktı qatysuşy – qonaq üiler, universitetter, tüzeu mekemelerı, äskeri bölımder, HQKO, haiuanattar baǧy, sirk, densaulyq saqtau basqarmasy, polisiia departamentı, Şymkent qalasynyŋ soty).
Qala boiynşa barlyǧy 649 QR kod berıldı. Şymkent qalasy äkımdıgınıŋ saitynda onyŋ 574-ı ornalastyrylǧan.
Mobildık qosymşa Densaulyq saqtau ministrlıgınıŋ aqparattyq jüielerımen integrasiialanǧan (Ūlttyq saraptama ortalyǧy, bıryŋǧai PSR-zertteuler portaly, COVID-19 baqylau ortalyǧy, jekeşe PSR-zerthanalar, Prezident Is-Basqarmasynyŋ Medisina ortalyǧy) jäne PSR-tester men sanitarlyq-epidemiologiialyq zertteuler derekterın paidalanady.
Ǧimaratqa kırer aldynda qoldanuşy smartfonmen QR-kodty skanerleidı (nemese jeke kuälıgın ūsynady) jäne özınıŋ märtebesın körsetedı. Aqparattyq jüielermen salystyryp tekseru negızınde sızdıŋ märtebeŋız anyqtalady: «qyzyl» - PSR-testtıŋ oŋ nätijesı, «sary» - qatynasta bolǧan, «kök» - PSR-test mındettı bolyp tabylatyn oryndardy qospaǧanda erkın jürıp-tūru, «jasyl» - PSR-testıŋ terıs nätijesı.
Tehnikalyq qoldau qyzmetı boiynşa azamattar üşın 14-14, biznes üşın 14-32 bailanys qyzmetı jūmys ısteidı.
"Adyrna" ūlttyq portaly.
