مەملەكەت باسشىسى قاسىم-جومارت توقاەۆ ۇكىمەتكە زەينەتاقى قورىنداعى قاراجاتتى پايدالانۋعا قاتىستى جەتكىلىكتىلىك شەگىن كوتەرۋ مەرزىمىن 2022 جىلدىڭ 1 ساۋىرىنە دەيىن ۇزارتۋدى تاپسىردى. بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي فەيسبۋكتەگى پاراقشاسىندا جازدى دەپ حابارلايدى "ادىرنا" ۇلتتىق پورتالى.
"مەملەكەت باسشىسى قاسىم-جومارت توقاەۆ زەينەتاقى جيناقتارىنىڭ شەكتى مەجەسىن كوتەرۋ تۋرالى شەشىمگە قاتىستى كوپشىلىكتىڭ وتىنىشىنە قۇلاق استى. شەكتى مەجە كەلەسى جىلدان باستاپ ەڭ تومەنگى جالاقىنىڭ وسۋىنە بايلانىستى كوتەرىلەدى. زەينەتاقى جۇيەسىنىڭ نەگىزگى مىندەتى – ازاماتتاردى زەينەتكە شىققاننان كەيىن قاجەتتى جەتكىلىكتى تابىسپەن قامتاماسىز ەتۋ. سوندىقتان زەينەتاقى جيناقتارىنىڭ شەكتى مەجەسىن كوتەرۋ جونىندەگى شەشىم – نەگىزىنەن وسى باعىتتاعى دۇرىس قادام.
