قازاقستاندا وتكەن 10-شى ازاماتتىق فورۋم مارەسىنە جەتتى. ەل تاۋەلسىزدىگىنىڭ 30 جىلدىعىنا وراي الماتى قالاسىندا وتكەن سالتاناتتى جيىندى تىكەلەي بايلانىس ارقىلى ەلىمىزدىڭ بارلىق وڭىرلەرىندەگى ازاماتتىق اليانس مۇشەلەرى تاماشالادى.
پلەنارلىق سەسسياعا قر پرەزيدەنتى اكىمشىلىگى باسشىسىنىڭ ورىنباسارى داۋرەن اباەۆ، قر اقپارات جانە قوعامدىق دامۋ ءمينيسترى ايدا بالاەۆا جانە قازاقستان ازاماتتىق اليانسىنىڭ جەتەكشىلەرى مەن مۇشەلەرى، قوعامدىق ۇيىمداردىڭ وكىلدەرى قاتىستى.
بيىلعى ازاماتتىق فورۋمنىڭ ەرەكشەلىگى – وعان حالىقارالىق ۇيىم وكىلدەرىنىڭ دە قاتىسۋى بولدى. پلەنارلىق سەسسيا وتىرىسى مەن ودان كەيىنگى ماراپاتتاۋ ءراسىمىن شىمكەنت قالاسىنىڭ ىشكى ساياسات جانە جاستار ىستەرى جونىندەگى باسقارما باسشىلارى مەن قالالىق ازاماتتىق اليانس مۇشەلەرى ونلاين تاماشالادى.
پلەنارلىق سەسسيادا شىمكەنت قالالىق «سانا-سەزىم» قوعامدىق بىرلەستىگىنىڭ جەتەكشىسى شاحنوزا حاسانوۆا ءسوز الىپ، ايەلدەر، ەڭبەك ميگرانتتارى مەن ادام ساۋداسى قۇرباندارىنىڭ قۇقىقتارىن قورعاۋ جونىندەگى جەتىستىكتەرىمەن ءبولىستى.
الماتىدا وتكەن سالتاناتتى جيىندا ەرەن ەڭبەگىمەن كوزگە تۇسكەن ۇكىمەتتىك ەمەس ۇيىمدارعا بيىل العاش رەت «تاڭداۋ» رەسپۋبليكالىق پرەمياسى تابىستالدى. ماراپاتتالعان ۇكىمەتتىك ەمەس ۇيىمداردىڭ اراسىندا «شىمكەنت قالالىق ACCESS تۇلەكتەرى ASAA» ۇيىمى دا بولدى.
فورۋم جۇمىسى اياقتالعان سوڭ شىمكەنت قالاسىنىڭ ىشكى ساياسات جانە جاستار ىستەرى جونىندەگى باسقارما باسشىسىنىڭ ورىنباسارى بەكسۇلتان ءادىلحانوۆ قاتىسۋشىلاردى تاۋەلسىزدىكتىڭ 30 جىلدىعىمەن قۇتتىقتاپ، ازاماتتىق قوعامدى دامىتۋ جولىنداعى جۇمىستارىنا ساتتىلىك تىلەدى. بىرقاتار ۇكىمەتتىك ەمەس ۇيىمدارعا ماراپاتتار تابىستادى.
نۇرلان بەكتاەۆ
فوتو: سەرىك قوساەۆ
