Qazaqstanda ötken 10-şy Azamattyq forum märesıne jettı. El Täuelsızdıgınıŋ 30 jyldyǧyna orai Almaty qalasynda ötken saltanatty jiyndy tıkelei bailanys arqyly elımızdıŋ barlyq öŋırlerındegı Azamattyq Alians müşelerı tamaşalady.
Plenarlyq sessiiaǧa QR Prezidentı äkımşılıgı basşysynyŋ orynbasary Däuren Abaev, QR Aqparat jäne qoǧamdyq damu ministrı Aida Balaeva jäne Qazaqstan Azamattyq Aliansynyŋ jetekşılerı men müşelerı, qoǧamdyq ūiymdardyŋ ökılderı qatysty.
Biylǧy azamattyq forumnyŋ erekşelıgı – oǧan halyqaralyq ūiym ökılderınıŋ de qatysuy boldy. Plenarlyq sessiia otyrysy men odan keiıngı marapattau räsımın Şymkent qalasynyŋ ışkı saiasat jäne jastar ısterı jönındegı basqarma basşylary men qalalyq Azamattyq Alians müşelerı onlain tamaşalady.
Plenarlyq sessiiada Şymkent qalalyq «Sana-sezım» qoǧamdyq bırlestıgınıŋ jetekşısı Şahnoza Hasanova söz alyp, äielder, eŋbek migranttary men adam saudasy qūrbandarynyŋ qūqyqtaryn qorǧau jönındegı jetıstıkterımen bölıstı.
Almatyda ötken saltanatty jiynda eren eŋbegımen közge tüsken ükımettık emes ūiymdarǧa biyl alǧaş ret «Taŋdau» respublikalyq premiiasy tabystaldy. Marapattalǧan ükımettık emes ūiymdardyŋ arasynda «Şymkent qalalyq ACCESS tülekterı ASAA» ūiymy da boldy.
Forum jūmysy aiaqtalǧan soŋ Şymkent qalasynyŋ ışkı saiasat jäne jastar ısterı jönındegı basqarma basşysynyŋ orynbasary Beksūltan Ädılhanov qatysuşylardy Täuelsızdıktıŋ 30 jyldyǧymen qūttyqtap, azamattyq qoǧamdy damytu jolyndaǧy jūmystaryna sättılık tıledı. Bırqatar ükımettık emes ūiymdarǧa marapattar tabystady.
Nūrlan BEKTAEV Foto: Serık QOSAEV
