شىمكەنتتە تاۋەلسىزدىكتىڭ 30 جىلدىعىنا وراي وقۋشىلار سارايىندا «تاۋەلسىز ەل - تۇعىرىم» اتتى مەرەكەلىك كەش ءوتتى. سالتاناتتى جيىنعا قاتىسقان قالا اكىمىنىڭ ءبىرىنشى ورىنباسارى شىڭعىس مۇقان كوپشىلىكتى مەرەكەمەن قۇتتىقتاپ، مەكتەپ ۇستازدارىن «ەرەن ەڭبەگى ءۇشىن» جانە «تاۋەلسىزدىكتىڭ 30 جىلدىعى» توسبەلگىسىمەن ماراپاتتادى. ءىس-شارادا «ايبىن - 2021» ءVىى رەسپۋبليكالىق اسكەري-پاتريوتتىق جاستار جيىنى قورىتىندىلاندى.
-تاۋەلسىزدىك ءار ازامات قاستەرلەيتىن قۇندىلىق. سوڭعى 30 جىلدىڭ ءار ون جىلدىعى ءبىر عاسىردىڭ جۇگىن ارقالاپ تۇردى دەسەك ارتىق ايتقاندىق ەمەس. مەملەكەتتىلىكتىڭ نىشاندارى وسى جىلدارى قالاندى. شىمكەنتتە 30 جىل بۇرىن 400 مىڭ حالىق بولسا، سوڭعى ساناق بويىنشا 1 ملن 200 مىڭعا جەتتىك. 3 ەسە حالىق سانى ءوسىپ وتىر. مەكتەپتەر 70-تەن 200-گە ارتتى. وقۋشىلار دا 70 مىڭنان 230 مىڭعا وسكەنىن بايقاۋعا بولادى. وتكەن جىلى ءۇشىنشى مەگاپوليستە 33 مىڭ ءسابي جارىق دۇنيە ەسىگىن اشتى. بۇگىنگى ساپتا تۇرعان جاس ساربازدار – ەرتەڭگى وتان قورعاۋشىلار. ولاردىڭ ناعىز ەرجۇرەك جاۋىنگەرگە اينالارىنا سەنەمىز، - دەدى شىڭعىس جۇمابەكۇلى.
ماراپاتتاۋ راسىمىندە شىڭعىس مۇقان حالىقارالىق ەكولوگيا، ينجەنەريا جانە پەداگوگيكا عىلىمدار اكادەمياسى مەن قازاقستان رەسپۋبليكاسىنىڭ ىبىراي التىنسارين اتىنداعى ۇلتتىق اكادەمياسىمەن بىرلەسىپ ۇيىمداستىرىلعان «كوشباسشى پەداگوگ – 2021» كونكۋرسىنىڭ جەڭىمپازى شاريپا ۇمەنوۆاعا اۆتوكولىك كىلتىن تابىستادى.
«ايبىن - 2021» ءVىى رەسپۋبليكالىق اسكەري-پاتريوتتىق جاستار جيىنىنىڭ قالالىق ىرىكتەۋ ويىندارىنان جەڭىمپاز اتانعان ءۇش اسكەري-پاتريوتتىق كلۋبىنىڭ مۇشەلەرىن جەڭىستەرىمەن قۇتتىقتادى. «ايبىن» اسكەري-پاتريوتتىق جيىنى – وتانشىل جاستاردى ادال قىزمەت ەتۋگە، ەل قورعانى بولۋعا تاربيەلەيتىن بىرەگەي الاڭ ەكەنىن اتاپ ءوتتى.
ازامات جاپپار، سەرىك قوساەۆ.
