تاۋەلسىزدىك شەجىرەسى ەلباسىنىڭ قولىمەن جازىلدى – توقاەۆ

2728
Adyrna.kz Telegram
https://adyrna.kz/content/uploads/2021/12/210517115017808a3788684i-960x500.jpg?token=f9a3e5fccb5fd0c244e5d97937c9a88f
تاۋەلسىزدىك شەجىرەسى ەلباسىنىڭ قولىمەن جازىلدى. بۇل تۋرالى تاۋەلسىزدىكتىڭ 30 جىلدىعىنا ارنالعان سالتاناتتى ءىس-شارادا قر پرەزيدەنتى قاسىم-جومارت توقاەۆ ايتتى، دەپ حابارلايدى قازاقپارات ءتىلشىسى.
«مۇلدەم جاڭا گەوساياسي احۋالدا مەملەكەت قۇرۋ - وڭاي شارۋا ەمەس، ناعىز كوشباسشىنىڭ عانا قولىنان كەلەتىن ءىس. ەڭ كۇردەلى، بۇلىڭعىر كەزەڭدە نۇرسۇلتان ءابىشۇلى نازارباەۆتاي دارا تۇلعا تاريح تورىنە شىقتى. انىعىن ايتقاندا، تاۋەلسىزدىك شەجىرەسى ەلباسىنىڭ قولىمەن جازىلدى. 1991 جىلى 1 جەلتوقساندا حالقىمىز وعان ءبىراۋىزدان داۋىس بەرىپ، سەنىم مانداتىن تاپسىردى. ال 16 جەلتوقساندا پرەزيدەنت قازاقستان رەسپۋبليكاسىنىڭ مەملەكەتتىك تاۋەلسىزدىگى تۋرالى كونستيتۋتسيالىق زاڭعا قول قويدى. اقيقاتىن ايتساق، بۇل حالقىمىزدىڭ تاريحىنداعى ەڭ قۋانىشتى ءارى باقىتتى ءسات بولدى»، - دەپ اتاپ ءوتتى قر پرەزيدەنتى.
مەملەكەت باسشىسى سول ساتتەن قازاق ەلىنىڭ جاڭا ءداۋىرى – تاۋەلسىزدىك ءداۋىرى باستالعانىن اتاپ ءوتتى. «17 جەلتوقساندا ەلباسى الماتىداعى الاڭعا كەلىپ، ەلدىڭ ورتاسىنا شىقتى. تۇڭعىش پرەزيدەنت: «حالقىمىزدىڭ بيلىگى تولىق ءوز قولىنا ءتيدى. ازات كۇن تۋدى» دەپ حالىقتان ءسۇيىنشى سۇرادى. ونىڭ تەبىرەنىسكە تولى سول ءسوزى جۇرتتىڭ جادىندا جاتتالىپ قالدى. ءتىپتى كەيبىر ادامدار تاۋەلسىزدىكتىڭ قۇندىلىعىن جەتە تۇسىنبەۋى مۇمكىن. ال اعا بۋىن ونىڭ قانداي قيىندىقپەن كەلگەنىن جاقسى بىلەدى. تاريحي كۇندەردىڭ ءاربىر مينۋتىن تەك ەلباسى عانا سەزىنىپ، باسىنان وتكەرگەن دەپ ايتساق ارتىق ەمەس»، - دەدى مەملەكەت باسشىسى.  
پىكىرلەر