Täuelsızdık şejıresı Elbasynyŋ qolymen jazyldy. Būl turaly Täuelsızdıktıŋ 30 jyldyǧyna arnalǧan saltanatty ıs-şarada QR Prezidentı Qasym-Jomart Toqaev aitty, dep habarlaidy QazAqparat tılşısı.
«Müldem jaŋa geosaiasi ahualda memleket qūru - oŋai şarua emes, naǧyz köşbasşynyŋ ǧana qolynan keletın ıs. Eŋ kürdelı, būlyŋǧyr kezeŋde Nūrsūltan Äbışūly Nazarbaevtai dara tūlǧa tarih törıne şyqty. Anyǧyn aitqanda, Täuelsızdık şejıresı Elbasynyŋ qolymen jazyldy. 1991 jyly 1 jeltoqsanda halqymyz oǧan bırauyzdan dauys berıp, senım mandatyn tapsyrdy. Al 16 jeltoqsanda Prezident Qazaqstan Respublikasynyŋ Memlekettık täuelsızdıgı turaly Konstitusiialyq zaŋǧa qol qoidy. Aqiqatyn aitsaq, būl halqymyzdyŋ tarihyndaǧy eŋ quanyşty ärı baqytty sät boldy», - dep atap öttı QR Prezidentı.Memleket basşysy sol sätten qazaq elınıŋ jaŋa däuırı – Täuelsızdık däuırı bastalǧanyn atap öttı. «17 jeltoqsanda Elbasy Almatydaǧy alaŋǧa kelıp, eldıŋ ortasyna şyqty. Tūŋǧyş Prezident: «Halqymyzdyŋ bilıgı tolyq öz qolyna tidı. Azat kün tudy» dep halyqtan süiınşı sūrady. Onyŋ tebırenıske toly sol sözı jūrttyŋ jadynda jattalyp qaldy. Tıptı keibır adamdar Täuelsızdıktıŋ qūndylyǧyn jete tüsınbeuı mümkın. Al aǧa buyn onyŋ qandai qiyndyqpen kelgenın jaqsy bıledı. Tarihi künderdıŋ ärbır minutyn tek Elbasy ǧana sezınıp, basynan ötkergen dep aitsaq artyq emes», - dedı Memleket basşysy.
