شىمكەنت قالاسى تۇرعىندارىن كارىز جۇيەسىمەن قامتۋ كورسەتكىشىن ارتتىرۋ ماقساتىندا بيىل 13 نىساننىڭ قۇرىلىس جۇمىستارى باستالعان. ونىڭ ۇشەۋى ماگيسترالدى كارىز كوللەكتورى بولسا، 10 ەلدىمەكەنگە ىشكى جۇيەلەر تارتىلدى.
بۇگىندە تۇران شاعىناۋدانىنداعى كارىز سورعى ستانتسياسىنىڭ قۇرىلىسى اياقتالىپ، ونداعى كوپ قاباتتى تۇرعىن ۇيلەر كارىز جۇيەسىنە قوسىلدى. ودان بولەك، ناۋرىز شاعىناۋدانىنىڭ 3,5 مىڭ جانە سامال-1 شاعىناۋدانىنداعى 22 مىڭداي تۇرعىن كارىز جۇيەسىنە قوسىلدى. ناتيجەسىندە قالا تۇرعىندارىن كارىز جۇيەسىمەن قامتۋ كورسەتكىشى 52,3 پايىزدان - 54 پايىزعا ءوستى.
ال، ارعىنبەكوۆ جانە تۇران ماگيسترالدى كارىز كوللەكتورلارىنىڭ قۇرىلىسى كەلەر جىلى اياقتالماق. سامال-2, سامال-3, دوستىق، اسار-2, تاسساي، ميراس، شاپاعات، ۇلاعات، سولتۇستىك-شىعىس ەلدىمەكەندەرىندەگى قۇرىلىس جۇمىستارى دا 2022 جىلعا وتپەلى.
2022-2025 جىلدارى قالانىڭ وڭتۇستىك، سولتۇستىك بولىگىنىڭ كارىز جۇيەسىمەن قامتۋ جوسپارىنا سايكەس، 2 دانا كارىز – تازالاۋ عيماراتىنىڭ، ماگيسترالدىق كوللەكتورلاردىڭ جانە ەلدىمەكەندەردىڭ ىشكى جۇيەلەر قۇرىلىسىن جۇرگىزۋ جوسپارلانۋدا. 2025 جىلى قالانىڭ كارىز جۇيەسىمەن قامتۋ كورسەتكىشى 75 پايىز بولادى.
شىمكەنت قالاسى اكىمدىگىنىڭ ءباسپاسوز قىزمەتى
