Şymkent qalasy tūrǧyndaryn kärız jüiesımen qamtu körsetkışın arttyru maqsatynda biyl 13 nysannyŋ qūrylys jūmystary bastalǧan. Onyŋ üşeuı magistraldy kärız kollektory bolsa, 10 eldımekenge ışkı jüieler tartyldy.
Bügınde Tūran şaǧynaudanyndaǧy kärız sorǧy stansiiasynyŋ qūrylysy aiaqtalyp, ondaǧy köp qabatty tūrǧyn üiler kärız jüiesıne qosyldy. Odan bölek, Nauryz şaǧynaudanynyŋ 3,5 myŋ jäne Samal-1 şaǧynaudanyndaǧy 22 myŋdai tūrǧyn kärız jüiesıne qosyldy. Nätijesınde qala tūrǧyndaryn kärız jüiesımen qamtu körsetkışı 52,3 paiyzdan - 54 paiyzǧa östı.
Al, Arǧynbekov jäne Tūran magistraldy kärız kollektorlarynyŋ qūrylysy keler jyly aiaqtalmaq. Samal-2, Samal-3, Dostyq, Asar-2, Tassai, Miras, Şapaǧat, Ūlaǧat, Soltüstık-Şyǧys eldımekenderındegı qūrylys jūmystary da 2022 jylǧa ötpelı.
2022-2025 jyldary qalanyŋ oŋtüstık, soltüstık bölıgınıŋ kärız jüiesımen qamtu josparyna säikes, 2 dana kärız – tazalau ǧimaratynyŋ, magistraldyq kollektorlardyŋ jäne eldımekenderdıŋ ışkı jüieler qūrylysyn jürgızu josparlanuda. 2025 jyly qalanyŋ kärız jüiesımen qamtu körsetkışı 75 paiyz bolady.
Şymkent qalasy äkımdıgınıŋ baspasöz qyzmetı
