3 قاڭتاردا 14 جاستاعى ءجاسوسپىرىم ءىز-ءتۇسسىز جوعالىپ كەتكەن. قازىر ونى دارىگەرلەر تەكسەرىپ، اتا-اناسىنا تاپسىردى، دەپ حابارلايدى "ادىرنا" ۇلتتىق پورتالى.
قوستاناي وبلىسى اكىمىنىڭ ءباسپاسوز قىزمەتى حابارلاعانداي، ەن دالادا جوعالىپ كەتكەن ءجاسوسپىرىم تابىلدى.
3 قاڭتاردا 14 جاستاعى كيريلل دۋكارت ءۇيىردىڭ سوڭىنان اتپەن كەتىپ، جوعالىپ كەتكەن، دەپ جازادى alau.kz.
ىزدەستىرۋ-قۇتقارۋ جۇمىستارىنا توتەنشە جاعدايلار قىزمەتىنىڭ پوليتسيا قىزمەتكەرلەرى، كينولوگيالىق قىزمەت كورسەتۋ ورتالىعىنىڭ قىزمەتكەرلەرى، ەرىكتىلەر مەن جەرگىلىكتى اتقارۋشى ورگاندار جۇمىلدىرىلدى. بارلىعى 110 ادام، 26 تەحنيكا جۇمىلدىرىلعان.
ساعات 23:46 شاماسىندا بالا مايكول اۋىلدىق وكرۋگىنە قاراستى شەمينوۆكا اۋىلىنان تابىلدى.
كيريللدىڭ ايتۋىنشا، قارلى بوراننىڭ كەسىرىنەن ول اداسىپ، قايتار جولىن تابا الماي، ساعات 23:30-دا شەمينوۆكا اۋىلىنا اداسىپ، ءبىرىنشى كەزدەسكەن ءۇيدى قاعىپ، جىلىنىپ الۋىن وتىنگەن. سول جەردەن ولار كەيىن جوعالعان ادامنىڭ تابىلعانى تۋرالى حابارلادى.
بالانى دارىگەرلەر تەكسەرىپ، اتا-اناسىنا تاپسىردى. ونىڭ جاعدايى تۇراقتى دەپ باعالانۋدا.
"ادىرنا" ۇلتتىق پورتالى
