بۇگىننەن باستاپ نۇر-سۇلتاندا قاتاڭ كارانتيندىك شەكتەۋلەر ەنگىزىلۋدە. بۇل تۋرالى ەلوردانىڭ باس سانيتارلىق دارىگەرى سارحات بەيسەنوۆا ايتتى، - دەپ حابارلايدى "ادىرنا" ۇلتتىق پورتالى.
بەيسەنوۆا قالادا اسا جۇقپالى وميكرون شتاممىنىڭ تارالۋى قاتاڭ شەكتەۋ جانە كارانتيندىك شارالاردى ەنگىزۋ قاجەت ەكەنىن ايتتى.
«بۇگىننەن باستاپ مەن قول قويعان جارلىققا سايكەس، قازاقستاننىڭ باس سانيتارلىق دارىگەرىنىڭ قاۋلىسىنا سايكەس «قىزىل» ايماق بويىنشا شەكتەۋلەردەن باسقا، ەلوردادا:
- اشىق اۋادا دا، ءۇي-جايدا دا بۇقارالىق ءىس-شارالاردى، ونىڭ ىشىندە وتباسىلىق، ەسكە الۋ ءىس-شارالارىن، ونىڭ ىشىندە ۇيدە 30 ادامعا دەيىن (Ashyq جوباسىنا قاتىساتىن وبەكتىلەردە ەسكە الۋ شارالارىن وتكىزۋدى قوسپاعاندا) وتكىزۋگە;
- Ashyq جوباسىنا قاتىسۋىنا قاراماستان، كونتسەرتتىك زالداردىڭ، فيلارمونيالاردىڭ، تەاترلاردىڭ، تسيركتەردىڭ، كينوتەاترلاردىڭ قىزمەتىنە تىيىم سالىنادى;
- مەشىتتەردىڭ، شىركەۋلەردىڭ جانە باسقا دا ءدىني بىرلەستىكتەردىڭ وبەكتىلەرى مەن اۋماعىندا ۇجىمدىق ءىس-شارالاردى، جاماعاتتى، ءدىني راسىمدەردى جۇما نامازداردى جانە باسقالاردى وتكىزۋگە;
- كونفەرەنتسيالار، سەمينارلار، كورمەلەر، فورۋمدار وتكىزۋگە;
- تۇنگى كلۋبتاردىڭ قىزمەتى، كاراوكە، قوعامدىق تاماقتانۋ ورىندارىنداعى قىزمەت كورسەتۋگە تىيىم سالىنادى»، - دەدى بەيسەنوۆا بريفينگتە. ول سونىمەن قاتار تاماقتانۋ ورىندارىنا كەلۋشىلەر سانىن ازايتۋدى شەشتى - ەندى ءبىر ۇستەلگە 4 ادامعا دەيىن وتىرا الادى.
"ادىرنا" ۇلتتىق پورتالى
