Respublikalyq referendumnyŋ maŋyzy men erekşelıgı «AMANAT» partiiasy janyndaǧy Azamattyq qoǧam men mädeniettı damytu jönındegı «Miras» respublikalyq qoǧamdyq keŋesınıŋ otyrysynda talqylandy, dep habarlaidy “Adyrna” ūlttyq portaly.
Jiynǧa qatysuşylar barlyq qūjattardyŋ qainar közı – Ata Zaŋnyŋ üşten bırıne özgerıster men tolyqtyrular engızılgelı otyrǧanynan qazaqstandyqtar qanşalyqty habardar, būl saiasi nauqan nesımen maŋyzdy degen sūraqtar töŋıregınde oilaryn ortaǧa saldy.
Tarih ǧylymdarynyŋ doktory, professor Bürkıtbai Aiaǧan Ata Zaŋǧa özgerıster men tolyqtyrular engızu tap qazırgı uaqyt talabyna sai dep esepteidı.
«Ata Zaŋǧa özgertu engızu – öte maŋyzdy mäsele. Qoǧamda onyŋ ne qajetı bar degen de sözder aitylyp qalyp jatyr. Amerika qūrama ştattary Konstitusiiasynyŋ qabyldanǧanyna 300 jyl boldy. Bıraq soǧan qaramastan, olar basty zaŋǧa özgerıster engızıp otyrady. Iаǧni, bızdıŋ Ata Zaŋymyzǧa özgerıster men tolyqtyrular engızuımız de qazırgı uaqyttyŋ talaptaryna sai. Būl mäselege öte ülken saiasi oqiǧa dep qarauymyz kerek. Konstitusiiaǧa özgerıster engızu arqyly bız jaŋa qoǧam qalyptastyramyz. Tek qana memleket şeşedı, tek qana memleket bıledı degen paradigmany qoiǧan jön. Qoǧamnyŋ özı oianyp, ärbır qazaqstandyq özın osy eldıŋ qūruşysy, negızın belgıleuşı retınde sezıngenı dūrys», - dedı B.Aiaǧan.
Nūr-Sūltan qalasyndaǧy Türık etnomädeni ortalyǧynyŋ töraǧasy Äsker Pirievtıŋ oiy da osymen ūştasty.
«Qoǧam – Qazaqstannyŋ azamattary osy eldıŋ qojaiyny ekenın sezınuı kerek. Tek qana memleket qūruşy ūlt emes, osy eldıŋ iesı ekenın tüisınuı qajet. Ol üşın
halyqtan sūrap, onymen sanasu kerek. Ärkım öz pıkırın bıldıruge qūqyly. Sol üşın būlreferendum öte maŋyzdy. Bır ökınıştısı, qalada ılınıp tūrǧan bır-ekı bilbord bolmasa, halyqtyŋ odan habary joq siiaqty. Ne özgerıp jatyr, ne üşın özgerıp jatyr, būl Qazaqstan azamattarynyŋ ömırın jaqsartuǧa baǧyttalǧan dünie me, keleşekte būdan ne kütu kerek, būlardyŋ nätijesınde kımnen nenı sūraimyz degen sūraqtar töŋıregınde köbırek aqparat bergen jön», - dedı ol.Ūqsas jaŋalyqtar
Al belgılı saiasattanuşy Rasul Jūmaly referendum – öte maŋyzdy saiasi nauqan jäne ol tıkelei demokratiianyŋ qūraly degen oiyn jetkızdı.
«Özderıŋız bılesızder, soŋǧy ret elımızde referendum 1995 jyly ötkızıldı. Sodan berı būl täjıribe ūmytyldy. Būl – jäi ǧana demokratiia emes, tıkelei demokratiianyŋ qūraly. Iаǧni, deputattar arqyly emes, azamattar özderı dauys berıp, tıkelei oiyn bıldıru arqyly Konstitusiianyŋ qabyldanuyna yqpal etedı. Sondyqtan keş te bolsa osyndai igı dästürdıŋ oralǧanynyŋ özı öz aldyna maŋyzdy dünie. Azamattar özınıŋ memleketke qatysy bar, osy eldıŋ azamaty ekenın, bilıkke yqpal ete alatynyn sezınuı soŋǧy 10-20 jylda aitarlyqtai älsırep kettı. Jalpy, jūrtşylyqtyŋ sailau ataulyǧa degen senımnen görı küdıgı basym. Solardy eŋseru tūrǧysynan menıŋşe, referendumnyŋ maŋyzy öte joǧary», - dedı saiasattanuşy.
Sondai-aq jiyn barysynda «Miras» respublikalyq qoǧamdyq keŋesınıŋ müşelerı animasiialyq filmderdıŋ dubliajyn qamtamasyz etuge memlekettık qoldau körsetu mäselelerın de talqylady.
”Adyrna” ūlttyq portaly
