Ūlytaudaǧy qūryltai - ūlt bolyp ūiysudyŋ sättı qadamy! Köptegen maŋyzdy taqyryptar aityldy. QR Prezidentı Q.Toqaevtyŋ baiandamasynda el kütıp jürgen özektı mäseleler köterıldı.
Eldıŋ Egemendık deklarasiiasy qabyldanǧan ūlttyq merekemızdı qaitaryp berdı. Qasiettı Täuelsızdıkke är qadam bız üşın erekşe qasterlı.
QR Parlamentı Mäjılısı töraǧasy Erlan Qoşanov, belgılı saiasatker Älihan Bäimenov, akademik Asqar Jūmädıldaev, aqyn Svetqali Nūrjandar elımızdıŋ qoǧamdyq-saiasi, mädeni-tarihi, bılımı salasynda tereŋ tolǧap, ūtymdy ūsynystar bıldırdı.
Qūryltaidyŋ el erekşe quanǧan şyrqauy älemge äigılı aqyn Mūqtar Şahanovtyŋ “Qazaqstannyŋ Eŋbek Erı” ataǧymen marapattaluy boldy!
Ūly daladaǧy Ūlytaudyŋ törınde ūly aqynnyŋ keudesıne Altyn Jūldyzdy QR Prezidentı Qasym-Jomart Toqaevtyŋ özı taqty!
El kütken erekşe marapat! Halyqtyŋ şyn yqylasy!
Bıraq, bır aitarymyz, Ūlytauda, ūly hanymyz - Joşy
hannyŋ basynda ötken Qūryltaida Joşy hannyŋ keler jyly, 2023 jyly taqqa otyruynyŋ 800 jyldyǧyn memlekettık deŋgeide ūlt bolyp, ūlyqtau mäselesın ūmytpau kerek edı!..
Joşy han - Altyn Ordanyŋ atasy, bükıl Qazaq handarynyŋ babasy ǧoi!
Bız būl ūsynysymyzdy būdan üş jyl būryn da, 2019 jyly Ūlttyq keŋestıŋ alǧaşqy otyrysynda jasaǧan baiandamamyzda da aitqanbyz. Odan berı Altyn Ordanyŋ 750 jyldyǧynda Joşy hanǧa eskertkış qoiylyp, keiın kino tüsıretın bolyp şeşılgenmen, tūtas keşendı baǧdarlama qolǧa alynǧan joq älı.
Älemdegı geosaiasi dürbeleŋder dübırınde el bolyp, Ūly hanymyzdy ūlyqtau - ūlttyq patriottyq jaŋǧyruǧa, ruhani jaŋaruǧa renessanstyq serpın beretını anyq.
Qūryltaida köterılgen qūndy mäselelerdıŋ ıske asuyn kütemız.
Ūqsas jaŋalyqtar
Qazybek İSA
