Özbekstan prezidentı Şavkat Mirziioev özınıŋ ülken qyzy Saida Mirziioevany prezident äkımşılıgınıŋ basşysy etıp taǧaiyndady, dep habarlaidy "Adyrna".
Būl lauazym 2023 jyly taratylǧan bolatyn, alaida endı resmi türde qaita qalpyna keltırıldı.
Soŋǧy ekı jylda Saida Mirziioeva prezidenttıŋ kömekşısı qyzmetın atqaryp, basqaru üderısıne belsendı qatysyp keldı, sondai-aq halyqaralyq arenada eldı tanystyrumen ainalysty. Soŋǧy bır jyl ışınde ol bırneşe elge baryp, Qazaqstan prezidentı de bar memleket basşylarymen kezdesuler ötkızdı.
Saiasi sarapşylar Saida Mirziioevany äkesınıŋ yqtimal mūragerı retınde jiı atai bastady. Onyŋ osyndai joǧary lauazymǧa köterıluı
Aita ketsek, Saida Mirziioeva 40 jasta. Ol ekonomika ǧylymdarynyŋ kandidaty därejesıne ie jäne aqparattyq saiasat pen qoǧammen bailanys salasynda ülken täjıribesı bar. Būǧan deiın ol bilık pen qoǧam arasyndaǧy kommunikasiiaǧa jauapty qūrylymdarda basşylyq qyzmetterdı atqarǧan.
Şavkat Mirziioev 2016 jyldan berı Özbekstan prezidentı qyzmetın atqaryp keledı. Ol İslam Karimovten keiın bilıkke kelgen. 2023 jyly Konstitusiiaǧa engızılgen özgerıster nätijesınde onyŋ prezidenttık merzımderı qaita eseptelıp, endı ol 2037 jylǧa deiın bilıkte qala alady.
