Peskov: Resei Äzerbaijanmen odaqtastyq qatynastardy saqtap qalǧysy keledı

2222
Adyrna.kz Telegram
https://www.adyrna.kz/storage/uploads/HeRM9H2mEWiRQkUK4W4ReJTph6lOYEOqeGgJc1i4.jpg

Mäskeu Bakumen ärıptestık jäne odaqtastyq qatynastarda boludy qalaidy. Būl turaly Resei prezidentınıŋ baspasöz hatşysy Dmitrii Peskov aitty, dep habarlaidy «Adyrna» tılşısı.

«Resei men Äzerbaijan — eŋ jaqyn ärıptester ärı odaqtastar. Ekı eldı ortaq tarih, ortaq bügıngı kün jäne ortaq bolaşaq bırıktıredı. Öz aramyzda tuyndaityn barlyq mäsele, sözsız, konstruktivtı jolmen şeşıluı tiıs jäne būl ekıjaqty qarym-qatynasymyzdyŋ jalpy ruhyna sai boluy qajet»,—dedı ol.

Peskov Bakudegı Resei elşılıgı men Resei Syrtqy ıster ministrlıgı Äzerbaijan tarapymen tūraqty bailanysta ekenın atap öttı.

Aita keteiık, 27 mausym künı taŋerteŋ FSB qyzmetkerlerı Ekaterinburgtegı bırneşe mekenjaiǧa reid ūiymdastyryp, etnikalyq negızde qylmys jasady degen küdıkpen

bırneşe azamatty tūtqyndaǧan. Arnaiy operasiia barysynda Ziiaddin jäne Gusein Safarovtar qaza tauyp, taǧy bırneşe adam jaraqat alǧan.

FSB būl reidtıŋ bırneşe jyl boiy adam öltıru men özge de qylmystar jasady dep küdıkke ılıngen etnikalyq bandaǧa qarsy baǧyttalǧanyn habarlady. Atap aitqanda, 2001 jyly Ekaterinburg tūrǧyny Iýnis Paşaevty top bolyp öltıru ısı boiynşa Safarov bauyrlary būryn da küdıkke ılıngenımen, ol kezde dälel tabylmaǧan.

Būl oqiǧaǧa bailanysty Baku men Mäskeu arasynda diplomatiialyq şielenıs küşeidı. Būǧan deiın Äzerbaijannyŋ öz aumaǧynda Reseidıŋ mädeni şaralaryn ötkızuge şekteu qoiǧanyn jazǧan edık.

 

 

 

 

Pıkırler