Jambyl oblysynda jol apaty bolyp, ekı adam qaza tapty. Taǧy ekı adam türlı jaraqatpen Şu audandyq auruhanasyna jetkızıldı. Jelıde taraǧan aqparattarǧa säikes,kölıkte tanymal sportşy Şavkat Rahmonovtyŋ äielı men ūly bolǧan, dep habarlaidy «Adyrna» tılşısı.
Oqiǧa ornynda tüsırılgen kadrlardy Instagram jelısındegı jagdaikz paraqşasy jariialady.
«Gülaiym Rahmonova ūly jäne qūrbylarymen Qaraǧandydan Almatyǧa kele jatqan. Almaty-Ekaterinburg tas jolynyŋ 296-şaqyrymynda Toyota Land Cruiser jol talǧamaityn kölıgı audarylyp qalǧan. Äiel rölge ie bola almaǧan»,—delıngen jazbada.
Oblystyq polisiia departamentı zardap şekkenderdıŋ naqty tūlǧalaryn rastaǧan joq, alaida jol-kölık oqiǧasyna bailanysty mälımdeme jasady. Resmi derekterge süiensek, oqiǧa 27 şılde künı saǧat 08:50-de bolǧan.
«Respublikalyq maŋyzy bar Almaty – Ekaterinburg avtojolynyŋ 299-şaqyrymynda Toyota Land Cruiser 200 avtokölıgınıŋ jürgızuşısı Qaraǧandy oblysy jaǧynan Almaty qalasy baǧytynda kele jatyp, kölık tızgınıne ie bola almai, audarylyp ketken. Jol-kölık oqiǧasy saldarynan ekı adam qaza tauyp, taǧy ekı adam auruhanaǧa jetkızıldı»,—delıngen habarlamada.
Jambyl oblystyq polisiia departamentı atalǧan fakt boiynşa Qylmystyq kodekstıŋ 345-babynyŋ 4-bölıgı («Kölık qūraldaryn jürgızu qaǧidalaryn būzu nemese olardy paidalanu erejelerın saqtamau, abaisyzda ekı nemese odan da köp adamnyŋ ölımıne äkep soqqan») boiynşa sotqa deiıngı tergeu bastalǧanyn jetkızdı.
Qazırgı taŋda kölık arnaiy aiyp tūraǧyna qoiylyp, oqiǧanyŋ tolyq män-jaiyn anyqtau maqsatynda tergeu amaldary jürgızılıp jatyr.
Äzırge sportşynyŋ özı būl oqiǧaǧa qatysty mälımdeme jasaǧan joq.
