2019 jyly Almaty maŋynda apatqa ūşyraǧan Bek Air äue kompaniiasynyŋ ūşaǧyna bailanysty qylmystyq ıs qaita tergeletın boldy, dep habarlaidy "Adyrna" ūlttyq portaly.
Būl turaly kölık ministrı mälımdedı.
"Ökınışke qarai, aviasiia salasynda mūndai oqiǧalar sirek emes, jäne olardyŋ sebebın naqty anyqtau köp jaǧdaida ūzaq ärı kürdelı üderıs. Aviasiialyq apattarǧa qatysty tergeu jūmystary ūzaqqa sozylady. Qazırgı uaqytta barlyq qajettı qūjattar daiyndalyp jatyr", – dedı ministr Nūrlan Sauranbaev Ükımet üiınde ötken baspasöz mäslihatynda.
Sondai-aq Sauranbaev tılşılerdıŋ “Atalǧan kompaniiaǧa qatysty qylmystyq ıs qaita tergele me?” degen saualyna naqty “iä” dep jauap berdı.
2019 jyldyŋ 27 jeltoqsanynda taŋǧy saǧat 7:20 şamasynda Almaty – Nūr-Sūltan baǧytynda ūşuǧa arnalǧan Bek Air kompaniiasynyŋ Fokker-100 ūşaǧy äuege köterıle sala radardan joǧalyp ketken. Keiın ūşaq Almaty äuejaiy maŋynda apatqa ūşyraǧany belgılı boldy. Bortta 95 jolauşy jäne 5 ekipaj müşesı bolǧan.
Ūşaq apattan keiın jerge soǧylyp, syrǧanai otyryp jaqyn maŋdaǧy auyl şetındegı ekı qabatty tūrǧyn üige soǧylǧan. Oqiǧa saldarynan 12 adam qaza tauyp, ondaǧan adam jaraqat alǧan. Apattan keiın Bek Air kompaniiasynyŋ barlyq Fokker-100 äue kemelerınıŋ qyzmetı toqtatyldy.
