16 qyrküiek tüngı saǧat 3:00-de Almaty äuejaiynda Qazaqstannyŋ äielder qūramasy Liverpulde ötken älem chempionatynan jeŋıspen oraldy.
Qyzdar üş altyn, bır kümıs jäne ekı qola medal jeŋıp alyp, jalpykomandalyq esepte bırınşı orynǧa şyqty.
Būl joly Qazaqstannyŋ atyn älemdık ringte jarqyratyp, altynnan alqa taqqandar — Alua Balkibekova (51 kg), Aida Abikeeva (65 kg) jäne Natalia Bogdanova (70 kg). Älemdık dodada täjıribelı boksşy Nazym Qyzaibai (48 kg) kümıs medalǧa qol jetkızdı. Qola jüldenı Viktoriia Grafeeva (60 kg) men Eldana Talipova (+80 kg) enşılep, Qazaqstan qorjynyna taǧy da abyroi qosty.
Äuejaiǧa sport qauymdastyǧy, janküierler men sportşylardyŋ tuystary jinalyp, chempiondardy ystyq yqylaspen qarsy aldy. Gül şoqtary men qoşemet sözderge bölengen arular öz elınıŋ senımın aqtap, tarihi jetıstıkke qol jetkızdı.
Sportşy qyzdar janküierlerge jäne bükıl Qazaqstan halqyna qoldau üşın alǧys aityp, būl jeŋıster — jaŋa tabystardyŋ bastauy ekenın jetkızdı.
