2026 jylǧy 1 qaŋtardan bastap Niderlandyda jol qozǧalysy erejelerın būzǧany üşın salynatyn aiyppūldar orta eseppen 4%-ǧa ösedı. Būl turaly nemıstıŋ BILD basylymy jazdy, dep habarlaidy "Adyrna".
Eŋ köp qymbattaǧan aiyppūldardyŋ bırı — kölık jürgızıp otyryp, arnaiy hands-free qūrylǧysynsyz telefon qoldanu. Jaŋa erejege säikes, mūndai zaŋ būzuşylyq üşın jürgızuşıler 440 euro aiyppūl töleuge mındettı bolady.
Jyldamdyqty azdap arttyrudyŋ özı de edäuır şyǧynǧa äkeluı mümkın. Mäselen, eldı meken ışınde rūqsat etılgen jyldamdyqtan 5 km/saǧ-qa asyru 46 euroǧa baǧalanady. Al avtobanda jyldamdyqty 20 km/saǧ-qa arttyrǧany üşın 229 euro aiyppūl salynady. Qyzyl baǧdarşamǧa ötıp ketu kemınde 320 euro tūrady.
Tūraqqa qatysty erejelerdı būzu da qataŋ baqylanady. Rūqsat etılmegen jerge kölık qoiǧany üşın aiyppūl 130 eurodan bastalsa, mügedekterge arnalǧan tūraqqa zaŋsyz toqtaǧan jürgızuşıler 400 euro töleuge tiıs.
Sonymen qatar agressivtı jürgızu äreketterı de qataŋ jazalanady. Oŋ jaqtan basyp ozu — 320 euro, al kölıkter arasyndaǧy qauıpsız araqaşyqtyqty saqtamau 380 euroǧa deiın aiyppūl saluǧa äkeluı mümkın.
Maŋyzdy jaittardyŋ bırı — Niderlandyda salynǧan aiyppūldardan jaltaru mümkın emes. Būl elde tırkelgen aiyppūldar şetel azamattarynan da öndırıp alynady. Al tölem uaqytynda jasalmasa, aiyppūl somasy qysqa merzım ışınde aitarlyqtai ösedı.
