21 nauryzda İran İzraildıŋ oŋtüstıgındegı Dimona qalasyna zymyran soqqysyn jasady. Būl qalada İzraildıŋ bır iadrolyq nysany ornalasqan. İzrail qorǧanys armiiasy (SAHAL) oqiǧa jaǧdailaryn tergeu bastalǧanyn mälımdedı.
İzraildıŋ «Magen David Adom» qūtqaru qyzmetınıŋ mälımetıne säikes, şabuyldan 40-tan astam adam zardap şekken. Zardap şekkender arasynda auyr jaraqat alǧan 10 jasar bala jäne ortaşa auyrlyqtaǧy äiel bar.
The Jerusalem Post basylymy zymyrannyŋ tūrǧyn üi ǧimaratyna tigenın, nätijesınde ǧimarat qūlaǧanyn habarlady.
Sol künı taŋerteŋ İran AQŞ pen İzraildı Natanzdaǧy uran baiytu keşenıne şabuyl jasady dep aiyptady. İran atom energiiasy ūiymy būl oqiǧany «halyqaralyq zaŋdardy būzu» dep atady. Resei de şabuyldy halyqaralyq qūqyqty būzu dep synady.
İrannyŋ resmi tūlǧalary Dimona qalasyna jasalǧan zymyran soqqysy osy şabuylǧa jauap ekenın habarlady. İzrail öz tarapynan Natanzdaǧy iadrolyq nysanǧa qatysy joq ekenın aitty.
MAGATE ökılderı Dimonadaǧy iadrolyq nysanǧa ziian keltırılgenı turaly derekterdıŋ joqtyǧyn habarlady. Aimaqtyq bilık radiasiia deŋgeiınıŋ köterılgenı turaly habarlamaǧan, al agenttık jaǧdaidy baqylap, qosymşa aqparat ızdeudı jalǧastyrady.
Eske salsaq, 28 aqpannan bastap AQŞ pen İzrail İranǧa aviasiialyq soqqylar jasap keledı. Nätijesınde İrannyŋ joǧarǧy köşbasşysy aiatolla Äli Hamenei jäne bırqatar joǧary lauazymdy şeneunıkter qaza tapty. İran Parsy şyǧanaǧy aimaǧyndaǧy körşıles memleketterge zymyrandar men drondardy paidalanyp şabuyldar jasauda. Osy şabuyldardan Äzerbaijan men Kipr de zardap şektı.
