AQŞ prezidentı Donald Tramp eger 48 saǧat ışınde Ormuz būǧazy kemelerdıŋ erkın ötuı üşın tolyq aşylmasa, İrannyŋ elektr stansiialaryna soqqy jasauǧa daiyn ekenın mälımdedı, dep habarlaidy “Adyrna”.
Report agenttıgınıŋ habarlauynşa, būl mälımdeme AQŞ basşysynyŋ Truth Social äleumettık jelısındegı paraqşasynda jariialanǧan.
«Eger İran osy sätten bastap 48 saǧat ışınde Ormuz būǧazyn tolyq ärı qauıpsız aşpasa, AQŞ olardyŋ köptegen elektr stansiialaryna, eŋ ırısınen bastap, soqqy berıp, joiady», — delıngen habarlamada.
İran Qaruly küşterınıŋ ortalyq qolbasşylyǧy — «Hatam äl-Anbiia» resmi ökılı 11 nauryzda Tegeran Ormuz būǧazy arqyly AQŞ pen onyŋ odaqtastaryna qatysty kez kelgen janarmai jükterın ötkızuge jol bermeitının mälımdegen. Ormuz būǧazy arqyly älemdık mūnai eksportynyŋ şamamen besten bırı tasymaldanady.
15 nauryzda İran tarapy qarsylasyn şegınuge mäjbürleu üşın barlyq qolda bar qūraldardy, sonyŋ ışınde būǧazdaǧy keme qatynasyn baqylaudy qoldanuǧa daiyn ekenın eskertken.
Eske salaiyq, 28 aqpanda AQŞ pen İzrail İranǧa qarsy äskeri operasiia bastaǧan bolatyn. Sonyŋ saldarynan İrannyŋ joǧarǧy köşbasşysy Äli Hamenei jäne bırqatar joǧary lauazymdy tūlǧalar qaza tapty.
Osydan keiın İran İzrailge, sondai-aq AQŞ pen onyŋ odaqtastaryna qatysty nysandarǧa — Saud Arabiiasy, Qatar, BAÄ, Oman, Bahrein, İrak jäne Kipr aumaqtarynda soqqylar jasai bastady.
