İran Ormuz būǧazy barlyq elder üşın aşyq ekenın, tek AQŞ, İzrail jäne olardyŋ odaqtastarynan basqa elderge rūqsat berıletının mälımdedı. Report agenttıgınıŋ habarlauynşa, būl turaly İrannyŋ Halyqaralyq teŋız ūiymyndaǧy tūraqty ökılı Äli Musavi aitty, dep habarlaidy "Adyrna".
Onyŋ sözınşe, Ormuz būǧazy arqyly kemelerdıŋ ötuı qauıpsızdık jäne qorǧau şaralaryn üilestıru jaǧdaiynda mümkın.
Musavi halyqaralyq mındettemeler İrannyŋ aumaqtyq tūtastyǧy men qūqyqtaryna qūrmetpen oryndaluy tiıs ekenın atap öttı.
Sondai-aq, ol būǧazdaǧy kemeler men ekipajdardyŋ qauıpsızdıgı irandyq bilıkpen üilestırıle otyryp qamtamasyz etıluı qajet ekenın aitty.
«İran teŋız qauıpsızdıgın arttyru jäne teŋızşılerdı qorǧau maqsatynda Halyqaralyq teŋız ūiymymen jäne müşe memlekettermen yntymaqtasuǧa daiyn. Diplomatiia – bızdıŋ basty basymdyǧymyz, alaida şabuyldardy tolyq toqtatyp, özara senımdı nyǧaitu qajet», — dedı ol.
Sondai-aq, bügın AQŞ prezidentı Donald Tramp İranǧa Ormuz būǧazyn aşu üşın 48 saǧat uaqyt bergen bolatyn.
Ol Ormuz būǧazy kemelerdıŋ erkın ötuı üşın tolyq aşylmasa, İrannyŋ elektr stansiialaryna soqqy jasauǧa daiyn ekenın aitqan edı.
Aita keteiık, 28 aqpanda AQŞ pen İzrail İranǧa qarsy äskeri operasiia bastap, bırneşe qalaǧa äue soqqylaryn jasaǧan. Būǧan jauap retınde İran İzrail aumaǧyna zymyrandar ūşyryp, Parsy şyǧanaǧy elderındegı amerikalyq äskeri bazalarǧa şabuyl jasaǧan. Osy jaǧdaiǧa bailanysty bırqatar memleketter äue keŋıstıgın uaqytşa japty. Sol künı şabuyldar saldarynan İrannyŋ joǧarǧy köşbasşysy Äli Hamenei qaza tapty.
