Foto: gov.kz
Däurenbek Yrysqali «Otandastar» qorynyŋ prezidentı bolyp taǧaiyndaldy. Būl turaly Syrtqy ıster ministrlıgınıŋ baspasöz qyzmetı jariialady, dep habarlaidy "Adyrna".
Däurenbek Yrysqali Almaty pedagogikalyq şet tılder institutyn bıtırgen.
Yrysqali Däurenbek – "Otandastar" qory qūrylǧaly berı taǧaiyndalǧan törtınşı prezident. Qordyŋ tūŋǧyş prezidentı Nūrtai Äbıqaev bolsa, keiın Abzal Saparbekūly qorǧa ekı jyl jetekşılık ettı. Daniiar Qadyrov ta ekı jyldan astam uaqyt "Otandastar" qorynyŋ prezidentı boldy.
Diplomatiialyq jolyn 1993 jyly Qazaqstan Respublikasy Syrtqy ıster ministrlıgı Konsuldyq basqarmasynyŋ referentı bolyp bastaǧan.
Är jyldary QR SIM ortalyq apparatynda, sondai-aq Qazaqstan Respublikasynyŋ Germaniia men Şveisariiadaǧy diplomatiialyq ökıldıkterınde basşylyq qyzmetterde boldy.
2020–2021 jyldary Qazaqstan Respublikasynyŋ Omby qalasyndaǧy (Resei Federasiiasy) Bas konsuly qyzmetın atqardy.
2021–2024 jyldary Qazaqstan Respublikasynyŋ Federativtık Germaniia Respublikasyndaǧy Elşılıgınıŋ Bonn qalasyndaǧy bölımşesınıŋ keŋesşı-emissary boldy.
«Otandastar qory» KEAQ prezidentı bolyp taǧaiyndalǧanǧa deiın, 2024 jylǧy jeltoqsannan bastap Qazaqstan Respublikasy Syrtqy ıster ministrlıgı Konsuldyq qyzmet departamentı direktorynyŋ orynbasary lauazymynda jūmys ıstedı.
«Qūrmet» ordenımen, sondai-aq «Şapaǧat» jäne «QR syrtqy saiasatyna qosqan ülesı üşın» medaldarymen marapattalǧan.
II klasty Tötenşe jäne Ökılettı Elşı diplomatiialyq därejesı bar.
Nemıs tılın erkın meŋgergen.
"Otandastar" qorynyŋ negızgı maqsaty - şeteldegı qazaqtarmen mädeni-gumanitarlyq qarym-qatynasty nyǧaitu negızınde olardyŋ ūlttyq bıregeilıgın saqtau jäne elımızge oralǧan qandastarymyzǧa aqparattyq qoldau körsetu.
Qordyŋ mındetterı
- Şetelderdegı etnikalyq qazaqtarmen jäne otandastarmen bailanys ornatu;
- Şeteldegı qazaqtardyŋ ūlttyq bolmysyn, ana tılın saqtauyna baǧyttalǧan jobalardy ıske asyru;
- Qazaqstanǧa oralǧan etnikalyq qazaqtardyŋ jaŋa ortaǧa beiımdeluı men kırıguıne aqparattyq qoldau körsetu;
- Köşı-qon jäne diaspora mäselesımen ainalysatyn otandyq jäne halyqaralyq ūiymdarmen serıktestık bailanys ornatu, täjıribe almasu;
