Fedorov audanynda «Täuelsızdık» alaŋynda audandyq «Dostyq keruenı» festivalı men respublikalyq «Taza Qazaqstan» ekologiialyq aksiiasy aiasynda oquşylar men jastarǧa arnalǧan ekologiialyq kvest öttı.
Is-şaranyŋ basty maqsaty – jastardyŋ ekologiialyq mädenietın qalyptastyru, qorşaǧan ortaǧa jauapkerşılıkpen qarauǧa baulu jäne öskeleŋ ūrpaqty qoǧamdyq paidaly jūmystarǧa tartu.
Qatysuşylar bırneşe taqyryptyq beketten tūratyn arnaiy marşrut boiynşa tapsyrmalardy oryndady. Är bekette olardy ekologiiaǧa qatysty sūraqtar, rebustar, zeiın men logikany qajet etetın tapsyrmalar, sondai-aq komandalyq jūmysty talap etetın türlı synaqtar küttı.
Kvesttıŋ zamanaui formatyn sifrlyq tehnologiialar da tolyqtyrdy. Kelesı beketke ötu üşın qatysuşylar smartfon arqyly QR-kodtardy skanerlep, marşruttyŋ baǧytyn özderı anyqtap otyrdy.
Ūiymdastyruşylar ekologiialyq bılımdı täjıribelık jūmyspen ūştastyruǧa erekşe män berdı. Jastar belgılengen aumaqtardaǧy qoqystardy jinap, ainalany retke keltırıp, jinalǧan qaldyqtardy sūryptady. Osylaişa ekologiia turaly alǧan bılımderın naqty ıspen bekıtıp, qoǧamdyq keŋıstıktı abattandyruǧa öz ülesterın qosty.
«Bız jastarǧa ekologiialyq jauapkerşılık är adamnan bastalatynyn körsetkımız keldı. Sondyqtan kvest barysynda bılımdı, oiyn elementterın jäne praktikalyq jūmysty bır arnaǧa toǧystyrdyq», – dedı Jastar resurstyq ortalyǧynyŋ spikerı G. B. Kabdenova.
Ūiymdastyruşylardyŋ aituynşa, mūndai format ekologiialyq taqyrypty jastar üşın tüsınıktı ärı qyzyqty etıp jetkızuge mümkındık beredı. Qatysuşylar jaŋa bılım alyp qana qoimai, bırlesken eŋbektıŋ naqty nätijesın de kördı.
Ekologiialyq kvest jastar arasynda kündelıktı ömırde qajet paidaly daǧdylardy qalyptastyruǧa da yqpal ettı. Atap aitqanda, qoqysty kez kelgen jerge tastamau, tazalyqty saqtau, qaldyqtardy dūrys sūryptau jäne qoǧamdyq oryndarǧa ūqypty qarau siiaqty qarapaiym ädetterdıŋ maŋyzy tüsındırıldı.
«Taza Qazaqstan» bastamasy aiasynda osyndai ıs-şaralardy ötkızu jastardyŋ ekologiialyq mädenietın arttyryp, olardy tabiǧatty qorǧau jäne qoǧamdyq paidaly jūmystarǧa belsendı aralasuǧa yntalandyrady.
Fedorov audanynda ötken ekologiialyq kvest qorşaǧan ortany qorǧau taqyrybyn bılım beru, oiyn jäne täjıribelık jūmys formattarymen ūştastyruǧa bolatynyn körsettı. Eŋ bastysy – ekologiia turaly aitumen şektelmei, ony naqty äreketke ainaldyru.
