Jambyl oblysyndaǧy şekara zastavalarynyŋ bırınde 19 jastaǧy äskerge şaqyrylǧan sarbaz avtomatty ūrlap alyp, oq jaudyrǧan, dep habarlaidy “Adyrna” ūlttyq portaly KTK telearnasyna sıltep.
Qūrbandar men zardap şekkender turaly mälımet joq.
Aqparat boiynşa, oqiǧa Jualy audanynda 18 jeltoqsanǧa qaraǧan tünı bolǧan. Tüngı saǧat üşter şamasynda atys dybysyn jaqyn maŋdaǧy Alatau auylynyŋ tūrǧyndary estıgen. Olar dabyl qaqqan.
Şyn mänınde ne bolǧany jäne sarbazdyŋ qazır qaida ekenı belgısız. Vedomstvo būl oqiǧaǧa qatysty tüsınıkteme bermedı. Äskerge şaqyryluşynyŋ üstınen atys qaruyn ūrlaǧany üşın ıs qozǧalǧany ǧana belgılı.
“Atalǧan fakt boiynşa QR IIM Oŋtüstık öŋırlık äskeri tergeu basqarmasynyŋ Taraz qalalyq basqarmasy QR Qylmystyq kodeksınıŋ 291-baby boiynşa sotaldy tergeu amaldaryn bastady”, – delıngen äskeri prokuraturanyŋ habarlamasynda.
