Qaşan da qoǧamǧa aşyq bolyp, halyqqa jaqyn bola bılgen bılıktı top-menedjer Ashat Aimaǧambetov bügın Oqu-aǧartu ministrı qyzmetınen bosatyldy. Eşkım kütpegen tosyn habardy estıgen halqymyz ministrdı qimaityndaryn jetkızdı, dep jazady "Adyrna" ūlttyq portaly.
Qoǧam qairatkerı Mūrat Äbenov Aimaǧambetov jaily "Elge jasaǧan qyzmetıŋızge myŋ alǧys" degen jazba jariialap, halyqtyŋ senımıne ie bolǧan ministrge rizaşylyǧyn bıldırdı.
"Memlekettık qyzmetşınıŋ jūmysyn ädıl baǧalaityn tek halyq. Ashat Aimaǧambetovtai bılım salasyna jaqsy özgerıster äkelgen ministrdı atau qiyn au. Jarty millionnan astam bılım salasynyŋ qyzmetşılerınıŋ basym köpşılıgı būl pıkırge tolyq qosylady dep senemın. Ärine Ministırlıktıŋ basşylyǧynan ketkenı ökınıştı. Bıraq azamattyŋ abyroiy qyzmet därejesımen emes, halyqtyŋ senımımen, tūlǧa retınde abyroiy men jinaǧan bedelımen ölşenedı. Jūmys oryn älı talai ret özgeruı mümkın, bıraq ondai kezde şyn qūrmetteitın qarapaiym adamdardyŋ senımı özgere qoimaidy. Men Ashat Aimaǧambetov älı de Qazaq elı üşın aianbai qyzmet jasaitynyna jäne aldaǧy kezeŋde talai jetıstıkke jetetınıne senemın! Abyroi bedelıŋız arta bersın!", - dep jazdy Mūrat Äbenov.Aqmaral Şatemırqyzy esımdı ūstaz ministrdıŋ osy uaqyt aralyǧynda bılım salasynda qol jetkızgen jetıstıkterıne toqtalyp, mūǧalımderdıŋ atynan alǧysyn bıldırdı.
"Bılım salasyna jan-tänımen berıle qyzmet etken: qazaq tılınıŋ märtebesın köteruge küş salǧan,ūlttyq älıppemızdı qaitarǧan, diplom satumen ainalysqan joǧary oqu oryndaryn jauyp, talai jemqorlyqtyŋ aldyn alǧan, auyldyq jerlerdegı oquşylardy avtobustarmen qamtyǧan, "Oquǧa qūştar mektep" jobasymen oquşylardyŋ nazaryn kompiuterden kıtap oquǧa audarǧan, mūǧalımderdı qaǧazbastylyqtan aryltqan, el ışınde mūǧalımge degen qūrmet artty, 5 kündık jūmys engızıp, mūǧalımderdıŋ el qatarly demaluyna mümkındık bergen, bastauyş synyptardy tamaqtanumen qamtamasyz etuge yqpal etken, oquşylardyŋ da, mūǧalımderdıŋ de ünderın esti bılgen, ärdaiym halyqtyŋ ortasynan tabylǧan ministrımız Ashat Aimaǧambetov. Ashat Qanatūly myrza, qai salada jürseŋız de aman bolyŋyz. Eŋbegıŋız eren. Sızdei bılımdı, öjet azamattar halyqqa qyzmet etudı toqtatpauy kerek. Mūǧalımderdıŋ sızge degen alǧysy şeksız. Sız halyqqa kereksız", -dep jazdy ūstaz.Mäjılıs deputaty Jūldyz Süleimenova Aimaǧambetovtyŋ bılım salasynda jüzege asyrǧan tyŋ bastamalaryna toqtalyp öttı.
"Ashat Qanatūly bolaşaǧynan ülken ümıt küttıretın täjıribelı saiasatker. Bılım jäne ǧylym salasyn, keiın oqu-aǧartu ministrlıgın damytuda belsendı üles qosty. Memleket Basşysynyŋ bılım salasyn damytuǧa baǧyttalǧan tapsyrmalaryn sapaly jüzege asyruǧa den qoidy. Zamanǧa sai salany jetıldıruge küş saldy. Bergen uädesıne berık boldy. 2 mysal keltıreiın: pedagogikalyq ötılı 30 jyldan asqan ūstazdardy ūlttyq bılıktılık testınen bosatu turaly jäne byltyr, «Altyn belgı» iegerlerın Nazarbaev Ziiatkerlık mektepterınde 1 pännen emtihan tapsyruyn ötkızbeu turaly deputattyq korpustyŋ ūsynystaryn qabyldady, oryndady, halyqtyŋ alǧysyna bölendı. Halyqaralyq pändık olimpiada jüldegerlerıne jäne osy jüldegerlerdı daiyndaityn, süimeldeitın halyqaralyq pändık olimpiada trenerlerıne syiaqy jüldeqoryn Zaŋmen bekıtıluıne üles qosty. Bılım mazmūnyndaǧy 2013-2015 jyldary ketken qatelıkterdıŋ ornyn toltyruǧa bailanysty aitar bolsam, 2015 jyldan berı 1-synypta oquşylar 3-tılde oqyp keldı. Qoǧamdastyq arasynda, ata-analar arasynda köp sūraqtardy tudyrdy. Sony eskere otyryp, Qazaqstan Respublikasy Oqu-aǧartu ministrlıgı balanyŋ jas erekşılıgıne bailanysty tıldı oqytu metodikasyna säikes, biyl 2022-2023 oqu jylynda Ärıptı tanyp, bılgenge deiın tek ana tılınde Älıppenı üirenuı qajet dep özgerıster engızdı. Negızı 2019 jyldan berı nätijelı jūmystary öte köp. Bırazyn halyqtyŋ özı de aityp jatyr. Ashat Qanatūly, saiasat sahnasyna jas saiasatker retınde qadam basyp, bügınde salmaqty tūlǧa, ırı reformator, ruhani batyl qairatker retınde özın qoǧamdastyqqa moiyndatty dep oilaimyn. Ashat Qanatūly bızdıŋ zamandasymyz. Qai kezeŋde de belgılı bır ūrpaq pen buynnyŋ maŋdaiyna tarih häm ūlt aldyndaǧy özındık oryndaityn missiiasy bolady. Sol jolda Ashat Qanatūlyna jaŋa jeŋıster jäne ırı jetıstıkter tıleimın!", - dep jazdy deputat.Dana halqymyzdyŋ aq batasyn alyp, alǧysyn arqalaǧan Ashat Qanatūlyna jelı qoldanuşylary alǧystaryn bıldırıp, tolassyz aq tılekterın arnauda.
"Halqyna adal qyzmet atqarǧan ädıl ministr","Bılım salasy sız kelgelı eŋsesın tıktedı", "Jas buyn es bılgelı körgen eŋ myqty ministr", "Qarapaiym, naǧyz ısker basşy retınde barlyq halyq özıŋızdı qūrmetteidı jäne jaqsy köredı", "Osy künge deiın bır ministrdıŋ aty, zatyn bılmeitın halyqqa eŋ jaqyn ministr edıŋız", "Öte ökınıştı, sızdı halyq qimai jatyr", "Sızdei tarihta qalatyn ministr endı bızde bola ma, bolmai ma?", "Ūltqa qyzmet etudıŋ şynaiy ülgısın körsete bıldıŋız", "Halyqtyŋ köŋılınen şyqqan jalǧyz ministrsız", - dep jyly lebızderın bıldırdı jelı qoldanuşylary.
"Adyrna" ūlttyq portaly
jastar
ministr
saiasat
#ǧylym
bılım
oquşy
halyq
student
mektep
Ashat Aimaǧambetov
oqu-aǧartu ministrı
aimaǧambetov
