Almaty oblysynda balabaqşanyŋ kärız qūdyǧyna qūlap ketken üş jasar büldırşın auruhanada köz jūmdy, dep habarlaidy "Adyrna" portaly. Būl turaly oblystyq polisiia departamentınıŋ (PD) basşysy Bauyrjan Älenov mälımdedı.
«13 qyrküiek künı saǧat 13:08 şamasynda Eŋbekşıqazaq audanynyŋ polisiia bölımıne Qyrbaltabai auylyndaǧy balabaqşalardyŋ bırınıŋ aumaǧynda üş jasar büldırşınnıŋ aşyq kärız septigıne qūlap qaitys bolǧany turaly habarlama kelıp tüstı», - dedı Älenov äleumettık jelıdegı paraqşasynda.
QR Qylmystyq kodeksınıŋ 141-babynyŋ 2-bölıgı (Balalardyŋ ömırı men densaulyǧynyŋ qauıpsızdıgın qamtamasyz etu jönındegı mındetterdı tiısınşe oryndamau) boiynşa qylmystyq ıs qozǧaldy.
«Qazırgı uaqytta oqiǧanyŋ barlyq män-jaiyn tolyq, obektivtı jäne jan-jaqty zerdeleu üşın qajettı saraptamalar taǧaiyndalyp, jedel-ızdestıru şaralary jürgızılude. Tergeu barysyn baqylauǧa aldym», - dep qosty Älenov.
"Adyrna" ūlttyq portaly
Ūqsas jaŋalyqtar
