AQŞ-taǧy prezident sailauyna Respublikalyq partiiadan tüsıp jatqan kandidat, būrynǧy prezident Donald Trampqa taǧy da qastandyq jasalmaq boldy, dep habarlaidy «Adyrna» tılşısı.
Oqiǧa 15 qyrküiek künı Florida ştatynyŋ Vest Palm-Bichtegı golf alaŋynda bolǧan. Reuters basylymynyŋ mälımetınşe, Tramp tūrǧan jerden 100 metr qaşyqtyqtan oq atylǧan. Qūpiia qyzmet agentterı būl eks-prezidentke jasalǧan qastandyq äreket boluy mümkın dep mälımdedı.
Küdıktını tıntu kezınde suyq qaru, ekı riukzak jäne GoPro beinekamerasy tabyldy. Qazırgı taŋda jasy 58-den asqan Gavai tumasy – Raian Uesli Rout ūstaldy. Ol būǧan deiın 8 ret ärtürlı sebeppen qamauǧa alynǧan.
Al Tramp äleumettık jelı arqyly özınıŋ dın aman ekenın jetkızdı.
«Men qauıpsız jerdemın. Eşkım zardap şekken joq. Eşteŋe menı toqtata almaidy. Men eşqaşan berılmeimın!» - dedı ol.
Eske salaiyq, 13 şıldede Trampqa Pensilvaniiadaǧy sailaualdy kezdesude qastandyq jasalǧan bolatyn. Būl oqiǧa kezınde ol jeŋıl jaraqattandy.
