10 qazan künı Maltanyŋ astanasy Valletta maŋyndaǧy Ta'Qali stadionynda ötetın Malta men Türkımenstan arasyndaǧy joldastyq kezdesu Türkımenstan ükımetı oiynşylarynyŋ saparǧa şyǧuyna rūqsat bermegen soŋ keiınge qaldyryldy. Būl turaly Malta futbol federasiiasynyŋ baspasöz qyzmetı jariialady, dep habarlaidy “Adyrna” ūlttyq portaly.
«Türıkmenstan futbol qauymdastyǧy öz elınıŋ bilıgınen Maltaǧa baru üşın qajettı rūqsatty aluda qiyndyqtar tuyndaǧandyqtan, match ötkızılmei qaldy», - delıngen resmi mälımdemede.
Anyqtalǧandai, halyqaralyq matchty FİFA, UEFA jäne Aziia futbol konfederasiiasy (AFK) maqūldady, olardyŋ ökılderı Malta Syrtqy ıster ministrlıgımen bırge jaǧdaidy retteuge tyrysty, bıraq barlyq äreketter sätsız aiaqtaldy.
Aita keteiık, Malta qūramasy 13 qazanda ötetın UEFA Ūlttar ligasynyŋ Moldovaǧa qarsy kezdesuıne daiyndyq aiasynda Türkımenstanmen joldastyq kezdesu ötkızudı josparlaǧan bolatyn.
Mälımet boiynşa, Türkımenstannan şyǧu üşın azamattar arnaiy rūqsat aluy kerek. Bıraq būl da jetkılıksız boluy mümkın. Täuelsiz BAQ ūşaq biletterin satyp alǧan azamattardyŋ Türkimenstannan tüsindirmesten şyǧuyna rūqsat etilmeidi dep ūdaiy habarlap jatyr. Al köşı-qon qyzmetınıŋ qyzmetkerlerı eşbır qūjatqa sılteme jasamaidy.
