İspaniiada alapat su tasqynynan qaza tapqandar sany 205 adamǧa jettı. Köptegen adam älı ız-tüzsız joǧalǧandyqtan, qaza tapqandar sany artuy mümkın. Būl turaly qūtqaru qyzmetterı mälımdedı, dep habarlaidy “Adyrna” ūlttyq portaly.
İspaniiada 30 qazanǧa qaraǧan tünı tolassyz jauǧan jaŋbyrdan keiın eldıŋ şyǧysyndaǧy köptegen aimaqtardy su basqan. Äsırese Jerorta teŋızındegı Valensiia aimaǧy qatty zardap şektı, mūnda qūtqaruşylar qazırdıŋ özınde 202 ölgen adamnyŋ denesın tapty. Kastilo-La-Mancha men Andalusiiada taǧy bırneşe adam qaitys boldy.
Bır kün būryn bilık kem degende 158 qūrban bolǧanyn habarlady. Tabiǧi apattan berı üş kün ötkendıkten, tırı qalǧandardy tabu mümkındıgı barǧan saiyn azaiyp barady.
Meteorologiialyq qyzmettıŋ mälımetınşe, 30 qazanǧa qaraǧan tünı Valensiianyŋ bırqatar audandarynda bırneşe saǧattyŋ ışınde bır şarşy metrge 300 litrden astam jaŋbyr jauǧan. Chiva auylynda bır şarşy metrge 491 litr jaŋbyr jaudy. Būl oblystaǧy jyldyq jauyn-şaşynǧa säikes keledı. Su men laidyŋ küştı aǧyndary köpırlerdı būzyp, adamdardy, maşinalardy, tıptı tūtas üilerdı alyp kettı.
Valensiianyŋ aimaqtyq ükımetı halyqty alapat jaŋbyrdyŋ yqtimal saldary turaly eskertuge keşıkkenı üşın synǧa alyndy. Myŋdaǧan adamdar jaryqsyz qaldy, köptegen joldar jüruge bolmaidy. Bükıl aumaqtar syrtqy älemmen bailanysy üzılgen, adamdar auyz su men azyq-tülık tapşylyǧynan zardap şegude.
İspaniia ükımetı qūtqaru operasiiasyna qatysqan sarbazdar sanyn 1200-den 1700-ge deiın arttyrdy. Izdestıru jūmystaryna drondar men arnaiy üiretılgen itter qoldanylady.
