Qazan töŋkerısı künı. 1928 jyly tūrǧyzylǧan Lenin eskertkışı qūlap tüstı

2272
Adyrna.kz Telegram
https://adyrna.kz/content/uploads/2024/11/5ee9d6c4-ee80-4b24-ab95-43da7e5e4214.jpeg

Pavlodarda dauyl saldarynan Leninnıŋ eskertkışı qūlap, ūsaq bölşekterge bölınıp kettı, dep habarlaidy “Adyrna” ūlttyq portaly.

PavlodarNews saitynyŋ mälımetınşe, «Balalyq şaq» saiabaǧynda 7 qaraşadan 8 qaraşaǧa qaraǧan tünı qatty dauyl saldarynan şyrşa qūlap, Lenin eskertkışın qiratqan. Endı ol qalpyna keltıruge jaramaidy.

Leninnıŋ būl eskertkışı 1928 jyly 1 şıldede  būryn Kazak alaŋy dep atalǧan jerde aşylǧan edı.

“Eskertkıştıŋ tūrǧanyna 100 jyl taqap qalǧan bolatyn. Onyŋ qasynda 67 jyl ösken aǧaş būryndary otyrǧyzylǧan tört şyrşadan aman qalǧan jalǧyz şyrşa bolatyn. Qazırgı uaqytta qūlaǧan aǧaşty kesu jäne tazalau jūmystary aiaqtaldy. Kelesı aptada tūǧyr bölşekteledı. 1928 jyly Arab ärpımen jazylǧan bıregei jazuy bar taqta saqtalady. Aldaǧy uaqytta jūrtşylyqpen jan-jaqty talqylanyp, būl jerde ne ornalasatyny turaly şeşım qabyldanatyn bolady”,– dedı qala äkımınıŋ orynbasary Svetlana Gladyşeva.

Onyŋ aituynşa, soŋǧy ret eskertkıştı qaita qūru 2022 jyly jeke investorlardyŋ esebınen jürgızıldı.

“Qazırdıŋ özınde, bız sol jerde ırgetastyŋ joiylǧanyn kördık. Iаǧni negızgı metall korpustyŋ bırneşe aqaulary bolǧan. Sondyqtan qūrylym aua raiyna tötep bere almai, mūndai jaǧdai oryn aldy”,– dedı Svetlana Gladyşeva.

Köne eskertkış mädeni mūralar men eskertkışter tızılımınde körsetılmegen.

1917 jyly 7 qaraşada Vladimir Lenin bastaǧan bolşevikterdıŋ äskeri-revoliusiialyq komitetı Uaqytşa ükımettı qūlatyp, Resei bilıgın qolǧa aldy. Resei tarihyndaǧy, adamzat tarihyndaǧy qandy repressiia, saiasi quǧyn-sürgın jäne bırneşe Aşarşylyǧymen jäne milliondaǧan adamdardyŋ şyǧynymen este qalǧan kommunistık partiia bastatqan bolşevikter bilıgı 74 jyldan soŋ, 1991 jyly jeltoqsanda küirep tyndy. Kompartiia ekonomikanyŋ qūldyrauy saldarynan öz-özınen ydyrady. Sodan keiın Lenin eskertkışterı qalalardyŋ ortalyq alaŋdarynan alynyp tastaldy.
Pıkırler