AQŞ prezidentı Donald Tramp 20 qaŋtarda Vaşingtondaǧy inaugurasiiasyna Qytai Halyq Respublikasynyŋ töraǧasy Si Szinpindı şaqyrdy. Būl turaly 11 jeltoqsanda amerikandyq CBS telearnasy özınıŋ derekközderıne sılteme jasap jariialady, dep habarlaidy “Adyrna” ūlttyq portaly.
Derekköz boiynşa, respublikandyq kandidat Tramp būl şaqyrudy qaraşa aiynda sailauda jeŋıske jetkennen keiın, Si Szinpinge jıbergen. Alaida Qytai liderı şaqyrudy qabyldaǧany nemese qabyldamaǧany belgısız. Qytaidyŋ Vaşingtondaǧy elşılıgı būl mälımetterge tüsınıkteme beruden bas tartty.
CBS atap ötkendei, Tramptyŋ ainalasyndaǧylardyŋ köpşılıgı Qytai bilıgıne narazy. Synşylar arasynda AQŞ-tyŋ bolaşaq memlekettık hatşysy Marko Rubio, sondai-aq ūlttyq qauıpsızdık jönındegı jaŋa keŋesşı Maik Vals bar. Sailanǧan prezidenttıŋ özı Qytaidan keletın tauarlarǧa jaŋa tarifter engızemız dep qorqytuda. Bıraq, arna atap ötkendei, «Tramp köpten berı köşbasşylar arasyndaǧy tyǧyz qarym-qatynas halyqaralyq mämılelerdı jasaudyŋ kıltı dep
Si Szinpin AQŞ prezidentınıŋ inaugurasiiasyna qatysqan alǧaşqy şeteldık basşy bolu mümkın. CBS habarlauynşa, ädette būl ıs-şaraǧa tek elşıler men diplomattar şaqyrylady. AQŞ Memlekettık departamentınıŋ 1874 jyldan bastap jürgızılgen jazbalaryna säikes, şeteldık basşy eşqaşan inaugurasiia kezınde bilık auysu räsımıne qatyspaǧan.
CBS derekközderınıŋ habarlauynşa, 20 qaŋtardaǧy inaugurasiiaǧa basqa da şeteldık köşbasşylardy şaqyruy mümkın. Olardyŋ arasynda Vengriia premer-ministrı Viktor Orban da bar. Alaida ol älı şaqyrudy qabyldaitynyn nemese qabyldamaitynyn oilap jatyr.
"Älem köşbasşylary Tramppen kezdesuge kezekke tūr, öitkenı olar onyŋ jaqynda bilıkke qaita oralyp, älemde beibıtşılıktı qalpyna keltıretının bıledı", - dedı Aq üidıŋ jaŋa baspasöz hatşysy Kerolain Livitt.
12 jeltoqsanda Resei prezidentı Vladimir Putinnıŋ baspasöz hatşysy Dmitrii Peskov Tramptyŋ inaugurasiiasyna Putindı şaqyrmaǧanyn mälımdedı.