Aqtau äuejaiynda äue kemelerıne tehnikalyq qyzmet körsetu jäne jöndeu ortalyǧy salynady. Būl turaly kölık ministrı Marat Qarabaev 23 jeltoqsanda Mäjılıste ötken jiynda aitty, dep habarlaidy “Adyrna” ūlttyq portaly.
Ministrdıŋ aituynşa, jöndeu jäne oqu bazasyn türık kompaniialary YDA, Turkish Technic jäne ASFAT saludy josparlap otyr.
«Tehnikalyq qyzmet körsetu ortalyǧy Qazaqstan, Resei jäne Ortalyq Aziia elderınıŋ azamattyq jäne äskeri äue kemelerıne qyzmet körsetetın bolady. Memleketımızdıŋ, Resei Federasiiasynyŋ, Özbekstannyŋ, Türkımenstannyŋ, Qyrǧyzstannyŋ jäne Täjıkstannyŋ azamattyq aviasiiasynyŋ 411 jolauşy ūşaǧy bar», - dedı ministr.
Karabaevtyŋ pıkırınşe, Aqtau äuejaiy — perspektivtı multimodaldy aviasiialyq hab.
«Onyŋ basty artyqşylyǧy – kölıktıŋ barlyq türlerıne qoljetımdılık jäne Europaǧa jaqyndyǧy – bar bolǧany 3 saǧattyq reis. Jaŋǧyrtu nätijesınde äuejaidyŋ jük tasymaldau mümkındıgı jylyna 200 myŋ tonnaǧa deiın artyp, jyldyq ainalymy 520 milliard teŋgenı qūraityn bolady», - dedı Qarabaev.
Eske salsaq, 2024 jyldyŋ säuırınde Qazaqstannyŋ premer-ministrı Oljas Bektenov Türkiia prezidentı Rejep Taiyp Erdoǧanmen kezdestı. Kezdesuge YDA Holding qūrylys kompaniialar tobynyŋ basqarma töraǧasy Husein Arslan da qatysty. Jiynda Qazaqstan men Türkiia arasyndaǧy bırlesken jobalar talqylandy. Būǧan deiın YDA Türkıstan halyqaralyq äuejaiyn salǧan bolatyn.
