Qairan da bızdıŋ Orynbor. Astana qoldan ketken kün

Osydan tura 100 jyl būryn, 1925 jyly 9 aqpan künı Qazaq AKSR ortalyq atqaru komitetı töralqasy memleket astanasyn Orynbordan Aqmeşıtke (qazırgı Qyzylordaǧa) köşıru turaly şeşım şyǧardy. Sol jylǧy 15-19 säuırde Aqmeşıtte ötken Keŋesterdıŋ bükılqazaqstandyq V sezı halqymyzdyŋ orysşa «kirgiz» degen atauyn «qazaq», «Kirgiz AKSR» degendı «Qazaq AKSR» dep özgertu, al respublika astanasy Aqmeşıt qalasyn Qyzylorda dep atau turaly qauly qabyldady. 1925 jyldyŋ köktemı men jazynda memlekettık basqaru organdary Syr boiyna köşırıldı. Al Orynbor şahary men guberniiasy Resei Federasiiasy qūramyna berıldı. 1927 jyly Qazaqstan astanasyn Almatyǧa köşıru turaly şeşım qabyldandy, al 1929 jyly būl prosess tolyǧymen aiaqtaldy. Almaty 1997 jylǧa deiın Qazaqstannyŋ astanasy boldy. Keiın būl märtebe Astana  qalasyna berıldı.