28 aqpan men 2 nauryz aralyǧynda Şymbūlaq tau şipajaiynda fristaildan FIS älem kubogy ötedı, dep habarlaidy “Adyrna” ūlttyq portaly sportburo.kz saityna sıltep.
Saiys moguldar, parallel moguldar jäne şaŋǧy akrobatikasy kezeŋderınen tūrady.
Jarysqa älemnıŋ 18-den astam elınen myqty sportşylar qatysady, Olimpiada oiyndarynyŋ, älem chempionattarynyŋ jüldegerlerı, ötken kezeŋderdıŋ jeŋımpazdary keledı. Al jalpy qatysuşylar sany 100-den astam adamdy qūraidy.
Qatysuşy elder: Avstraliia, Kanada, Qytai, Chehiia, İspaniia, Finliandiia, Fransiia, Ūlybritaniia, Germaniia, İrlandiia, Japoniia, Koreia, Şveisariia, Şvesiia, Ukraina, AQŞ, Qazaqstan.
Saiystardyŋ baǧdarlamasy:
25 aqpan – Komandalardyŋ resmi kelu künı
28 aqpan – Mogul
1 nauryz – Paralleldı mogul
2 nauryz – Şaŋǧymen akrobatika
Ärbır jarys künınıŋ qorytyndysy boiynşa jeŋımpazdardy marapattau räsımı ötedı. Älem kubogy kezeŋı kezınde Qazsport arnasynda jäne YouTube FIS-TV arnasynda tıkelei transliasiia körsetıledı.
2024-2025 jylǧy mausymda FIS Älem kubogynyŋ kezeŋderı erekşe maŋyzǧa ie, sebebı olar 2026 jylǧy İtaliiadaǧy Qysqy Olimpiada oiyndaryna ırıkteu kezeŋderı bolmaq. Būl sportşylar FIS ūpailary üşın ǧana emes, sondai-aq 2026 jylǧy qysqy Olimpiadaǧa qatysu üşın bılıktılık ūpailaryn jinau üşın synǧa tüsetındıkten, körermenderdı qyzu tartys kütıp tūr.
